Skuadra

Forever Red · Shef Joined: 18 Sep 2006 Posts: 5078 Location: Italia

Capa: Nga Bylisi të nisë ngjitja e Partizanit

Autori: Ilir Cara
Data: 15/10/2008
Version Print
Mesfushori i ri të kuqve Arbër Capa shpreson që skuadra do ta përmirësojë shpejt pozicionin që mban

Arbër Capa është një nga futbollistët e Partizanit që është rritur në këtë klub, pasi vjen nga ekipet zinxhir dhe tashmë është pjesë e skuadrës së parë. Në këtë sezon, mesfushori 21-vjeçar po gjen më shumë hapësira aktivizimi dhe në javët e fundit stafi trajnues i ka besuar Capës vendin e titullarit.

Partizani i këtij sezoni është transformuar shumë nga ai i kampionatit të kaluar, pasi është larguar pjesa më e madhe e titullarëve. Normalisht, largimi i “gardës së vjetër” e ka zbehur shumë cilësinë e të kuqve, pasi ata nuk u zëvendësuan. Gjithsesi, ky ishte një lajm i mirë për të rinjtë e skuadrës, sepse tashmë do të kenë më shumë hapësira aktivizimi.

Normalisht, duke parë këtë situatë, trajnerët po mundohen që t’ua heqin frikën futbollistëve të rinj, në mënyrë që të ndihen komodë gjatë ndeshjeve të kampionatit. Një nga ata që është përshtatur shumë mirë, megjithëse duhet pranuar se ka kohë që mban veshur fanellën e kuqe, është mesfushori Arbër Capa. 21- vjeçari shpreson se Partizani do t’i gjejë forcat e duhura për të dalë nga kriza, prandaj këtë ndërprerje të kampionatit të kuqtë e kanë vlerësuar maksimalisht, pasi duan të përmirësohen sa më shumë që të jetë e mundur. “Kampionati aktual nuk i shkon për shtat emrit tonë, por besoj se gjithçka do të jetë momentale dhe ne do të bëjmë të mundur që të dalim nga kjo situatë e vështirë.

Duhet pranuar se grupi është formuar me vonesë, pasi gjatë periudhës së verës ka pasur shumë largime dhe afrime lojtarësh, gjë e cila prishi balancat që kishim arritur më parë. Ndërprerja e kampionatit ka ardhur si me porosi, sepse gjatë këtyre ditëve kemi punuar shumë, pasi duhet të përmirësohemi sa më parë. Të premten kemi zhvilluar një miqësore me Skraparin dhe, nëse skuadra do të luajë si në pjesën e parë të kësaj ndeshjeje, kam shumë besim se ndryshimi i fateve të Partizanit do të nisë nga përballja e radhës.

Në këtë miqësore pata fatin të shënoj edhe një gol dhe kam shumë dëshirë që këtë gjë ta përsëris edhe me Bylisin. Megjithatë, pak rëndësi ka se kush do të shënojë, sepse për momentin për Partizanin vlen vetëm fitorja dhe këtë gjë mendojmë për takimin me ballshiotët. Shpresoj se djersa që kemi derdhur këto ditë në seancat stërvitore do të na shpërblehet të dielën dhe grupi beson se ndaj Bylisit do të nisë ngjitja e Partizanit drejt vendit që i takon,”- u shpreh për “Sportin shqiptar” futbollisti i të kuqve Arbër Capa.

—————————————

Shehi vesh dorezat, Malota bashkohet me grupin

Seanca e djeshme stërvitore ka sjellë lajme të mira për të kuqtë, pasi infermieria e skuadrës është drejt boshatisjes. Dihet se mbrojtësi i ri, Renato Malota, prej ditësh është përgatitur i diferencuar, pasi ka qenë i dëmtuar, ndërsa dje është bashkuar me grupin.

Gjithashtu edhe portieri Orges Shehi dje i ka veshur dorezat dhe ka filluar të punojë me topin, por jo me grupin. Sipas kapitenit Shehi, gjendja e tij është drejt rikuperimit të plotë dhe besohet se nuk do të mungojë në takimin e radhës me Bylisin.

———————————–

Në 13:00 të kuqtë miqësore me Shkëndijën

Dje Partizani i ka zhvendosur përgatitjet në Kamëz dhe gjithçka duket në rrugë të mbarë, në mënyrë që të ndaj Bylisit skuadra të kthehet te fitorja e shumëpritur. Grupit prej ditësh i mungon vetëm Elis Bakaj, i cili është me ekipin kombëtar, por gjithsesi është i pezulluar për ndeshjen me ballshiotët. Për sot të kuqtë kanë planifikur një ndeshje miqësore me ekipin U-19 të Shkëndijës së Tiranës, takim i cili do të zhvillohet në një nga fushat e qendrës stërvitore të ekipeve kombëtare në Kamëz.

Ky takim do t’u shërbejë të kuqve si një ndeshje kontrolli për të parë se ku janë me përgatitjet për Bylisin, prandaj sot mund të konturohet skuadra e së dielës. Sot të kuqtë do të ndodhen në Kamëz më herët se zakonisht, pasi përpara ndeshjes futbollistët do të kryejnë një seancë të lehtë përgatitore.
_________________
PARTIZANI IS MY RELIGION...BORN TO SUPPORT YOU

Fytyra ime pas cdo deklarate te Xhanit:

Forever Red · Shef Joined: 18 Sep 2006 Posts: 5078 Location: Italia

Lika i “shtrydh” mirë të kuqtë

Autori: Ilir Cara
Data: 14/10/2008
Version Print
Trajneri i Partizanit, Hasan Lika, nuk ka “mëshirë” në stërvitje për futbollistët

Pas pushimit të fundjavës, dje të kuqtë u janë rikthyer stërvitjeve, të cilat prej ditësh kryhen në funksion të përmirësimit të gjendjes si dhe të ndeshjes me Bylisin. Gjatë ditës së djeshme, futbollistëve të Partizanit u është dashur të përballojnë një ngarkesë të mirë fizike. Trajneri Lika nuk ka “mëshirë” për të kuqtë, pasi dihet se pozicioni që mban skuadra është i paparanueshëm, prandaj kërkohet një punë e madhe për të nisur ngjitja e shkallëve të klasifikimit. Dje grupi ka kryer ushtrime të shumta dhe në përfundim të seancës ngjyrat e fanellave të futbollistëve ishin tjetërsuar nga djerësa. Kjo ngarkesë stëvitore është praktikuar edhe gjatë seancave të javës së shkuar, por duke filluar nga sot pritet normalizim i situatave stërvitore, pasi edhe afati kohor për ndeshjen me Bylisin po vjen duke u zvogëluar. Një pjese të mirë të të kuqve u është dashur kjo ngarkesë stërvitore, pasi gjatë këtyre javëve të para është vënë re se ata nuk e kanë kondicionin e duhur fizik. Pas një mungese disaditore, dje i është rikthyer stërvitjes edhe kapiteni Orges Shehi. Megjithatë, dje portieri durrsak është përgatitur i diferencuar dhe shpresohet në një rikuperim në kohë për takimin me Bylisin. Mbrojtësi i ri, Renato Malota, edhe këtë javë e ka nisur i diferencuar, pasi edhe dje ka kryer vetëm vrapime rreth fushës.
_________________
PARTIZANI IS MY RELIGION...BORN TO SUPPORT YOU

Fytyra ime pas cdo deklarate te Xhanit:

Redbull · Posted: Wed Oct 15, 2008 11:08 am Post subject:

ja paskam fut edhe une te njejtat tekste te lajmet e fundit Very Happy

_________________
Te gjithe vijne e ikin.... mbetet gjithmone vetem PARTIZANI

Forever Red · Shef Joined: 18 Sep 2006 Posts: 5078 Location: Italia

Një adoleshent në portën e kuqe
16 Tetor Partizani/ Para Bylisit, kapiteni Shehi mbron skuadrën: Nuk mund të na krahasoni me ballshiotët

Shehi, sipas gjitha gjasave do mungojë. Numri 1 i Partizanit do jetë Xhixha, 19 vjeç

Portieri i Partizanit, 30?vjeçari Orges Shehi, duket se nuk është ende gati për të luajtur në ndeshjen ndaj Bylisit. Edhe pse dje, në një ndeshje stërvitore, që kanë zhvilluar të kuqtë në Kamëz, ndaj Shkëndisë, e përfunduar 4?0 për “demat”, ai ka hyrë si zëvendësues, në 45 minutat e dyta, përsëri gjendja e tij mbetet ende e pasigurtë. Vetë “gardiani” i portës së kuqe pohon se ai nuk është rekuperuar ende nga dëmtimi, teksa ka thënë: “Luajta vetëm një pjesë loje në miqësore dhe të them të drejtën pashë që nuk isha në 100 %. Pra deri tani nuk jam ende gati për të përballuar një ndeshje 90 minutëshe, por deri të shtunën ndoshta gjërat mund të ndryshojnë. Pra, ka mundësi që edhe të mos luaj”. Fjalë të cilat nuk i kënaqin aspak të kuqtë, duke filluar që nga trajneri Lika, i cili me skuadrën që ka, sigurisht që besimin më të madh e ka tek portieri Shehi. Ndërkohë, për të zëvendësuar portierin “veteran” të kampionatit shqiptar, sigurisht që është menduar portieri i dytë i Partizanit, Dashamir Xhika. 19?vjeçari, i cili dje ka zhvilluar një pjesë të parë shumë të mirë, megjithatë nuk ka luajtur ende asnjë minutë në ndeshje zyrtare kampionati me të kuqtë. “Është një portier shumë i mirë”, thotë Shehi. Megjithatë, më e mira është që të luajë vetë Shehi. Dhe, pavarësisht dëmtimit, duket se gjithmonë, në fund, Orgesi ia arrin të kthehet dhe të jetë madje edhe numri 1 atje, në portën e “demave”.

“Pse na krahasoni me Bylisin?”? Ndërkohë, shkrimet e shumta, që duke u bazuar në pozicionin që gjendet Partizani, e krahasojnë ndeshjen e kësaj jave me Bylisin si një “derbi” për mbijetesë, nuk i kanë tingëlluar mirë kapitenit të të kuqve. “Përse e quani derbi mbijetese?”, ka thënë Shehi. “Ne nuk jemi si Bylis. Kemi kaluar një moment të keq, por me një fitore këtë javë mund të kalojmë katër vende më sipër në tabelë, atëherë çdo të thuhej? Ky ëshë një klasifikim provizor dhe renditja do të ndryshojë. Pastaj ne nuk erdhëm këtë vit në kategorinë superiore. Unë kam besim se ne këtë javë do të fitojmë”, ka përfunduar Shehi.
_________________
PARTIZANI IS MY RELIGION...BORN TO SUPPORT YOU

Fytyra ime pas cdo deklarate te Xhanit:

Redbull · Posted: Thu Oct 16, 2008 5:57 pm Post subject:

kur ja fusin kot i shkojne deri ne fund historise..... derbi per mbijetese........
kane shume qef te na shohin ne kategorine e dyte
_________________
Te gjithe vijne e ikin.... mbetet gjithmone vetem PARTIZANI

demi · Dem i Kuq Joined: 28 Nov 2007 Posts: 2246

Forever Red · Shef Joined: 18 Sep 2006 Posts: 5078 Location: Italia

dhe kt mo plera qe paskan qene Mad

_________________
PARTIZANI IS MY RELIGION...BORN TO SUPPORT YOU

Fytyra ime pas cdo deklarate te Xhanit:

Forever Red · Shef Joined: 18 Sep 2006 Posts: 5078 Location: Italia

Shehi: Partizani mendon vetëm Bylisin, jo tjetër

Kapiteni i të kuqve kërkon vetëm një shtysë që skuadra të ecë përpara drejt ngjitjes në renditje

Skuadra e drejtuar nga trajneri Hasan Lika do të kërkojë sot fitoren e parë sezonale në fushën e tij. Megjithatë, duhet thënë se edhe këtë takim me ballshiotët të kuqtë do ta luajnë jo tamam në shtëpinë e tyre, pasi janë spostuar në “Selman Stërmasi”, ku Tirana ka kryer përgatitjet gjatë së premtes dhe së shtunës.

Për kapitenin e Partiznait, Orges Shehi, nuk ka rëndësi se ku do të luajnë, pasi skuadra është përgatitur gjatë kësaj kohe vetëm për një rezultat maksimal. “Gardiani” i kuq prej ditësh është stërvitur disi i diferencuar, pasi ka pasur një dëmtim të lehtë, por kapiteni ndihet totalisht i rikuperuar për të ruajtur portën e skuadrës. “Ndërprerjen e kampionatit jemi munduar që ta shfrytëzojmë sa më mirë, pasi na duhej të përmirësoheshim, sepse Partizani mban një pozicion të pazakontë. Gjatë eksperiencës sime me të kuqtë, ky është momenti më kritik që po kalon Partizani.

Gjithsesi, kam bindjen se grupi ka forca për ta kaluar këtë gjendje, por na duhet vetëm një shtysë që të na çojë përpara. Prandaj këtë shtysë do të kërkojmë ta marrim sot dhe më pas të nisim llogaritë për pjesën në vazhdim. Partizani aktual nuk e ka luksin që të bëjë llogari të gjata, prandaj gjithë vëmendja jonë është përqendruar te takimi me ballshiotët, ku do të kërkojmë të marrim tripikëshin e parë në fushën tonë.

Nëse realizojmë këtë objektiv, atëherë do të jemi më të qetë që të planifikojmë për ndeshjet e radhës, të cilat sa vijnë e vështirësohen,”- u shpreh për “Sportin shqiptar” portieri, njëkohësisht edhe kapiten i Partizanit, Orges Shehi. Të duket e habitshme, por këtë sezon ansamblin e kuq asnjë nuk e ka frikë, madje përballjen me Partizanin e konsiderojnë një moment të mirë për të marrë një rezultat pozitiv. “Këtë mendim po e dëgjojmë shpesh këto kohët e fundit.

Nëse rezulton kështu, do të jetë një favor për ne, pasi do ta kemi më të lehtë që të depërtojmë në zonën e kundërshtarit. Gjatë sezonit të fundit, meqenëse e kishin frikë Partizanin, ne kishim vështirësi që të dilnim përpara, pasi të gjithë kundërshtarët ngjesheshin në fazën mbrojtëse. Prandaj, nëse na konsiderojnë ende kundërshtarë të kalueshëm, do të jetë më mirë për ne, pasi do ta kemi më të lehtë që ta gjejmë rrugën e golit.

Gjatë këtyre ditëve kemi punuar shumë që fati ynë të mos varet nga episodet dhe gabimet e kundërshtarëve, por nga ajo që ne do të japim në fushën e lojës. Unë kam besim se sot do të rregullojmë shumë gjëra në lojën tonë, në mënyrë që fitorja të mbetet në krahun tonë,”- përfundoi portieri i Partizanit, Orges Shehi. Ashtu siç ka ndodhur në gjashtë javët e para, edhe sot ndaj Bylisit pritet që të kuqtë të bëjnë disa ndryshime në formacion.

Tifozët-gjyqtarit: Kujdes, Paturri është tifoz i Partizanit

Takimin midis Partizanit dhe Bylisit, që do të luhet në stadiumin “Selman Stërmasi” dhe që do të nisë në orën 14:30, do ta gjykojë gjyqtari lushnjar Shkëlqim Guçe. Gjatë sezonit të shkuar Guçe ka qenë përfshirë në një incident që ka ndodhur në takimin Iliria-Albpetrol dhe lushnjari është goditur nga deputeti i Fushë-Krujës, Hajrulla Paturri, i cili nuk i honepsi gabimet e gjyqtarit.

Pas këtij incidenti, gjyqtari Guçe ka qëndruar për shumë kohë larg fushave të futbollit, por nesër do të gjykojë takimin Partizani-Bylis. Tifozët e kuq duan t’i kujtojnë gjyqtarit Shkëlqim Guçe që të ketë kujdes gjatë gjykimit të ndeshjes së sotme, pasi dihet se deputeti Paturri është edhe tifoz i Partizanit, sepse këtë gjë e ka treguar gjatë sezonit të fundit, kur vinte në stadium me një kostum të kuq sportiv.
_________________
PARTIZANI IS MY RELIGION...BORN TO SUPPORT YOU

Fytyra ime pas cdo deklarate te Xhanit:

demi · Dem i Kuq Joined: 28 Nov 2007 Posts: 2246

vetem kti shehit qe si besoj me.eshte shum dobet ne krahasim me sezonet e kaluara,tani ngeli duke bo gafa
_________________

Redbull · Posted: Sun Oct 19, 2008 8:41 am Post subject:

Ne fakt ndeshjen me Apolonine ky na e humbi se do benim noj gol me zor ate ndeshje, po ky komplikoi gjithcka pastaj humbem qetesine.
Ishalla them qofte e shkuar e harruar se po t'i beje shpesh ato gafa jemi keq
_________________
Te gjithe vijne e ikin.... mbetet gjithmone vetem PARTIZANI

Eni · Shef Joined: 21 Mar 2006 Posts: 4445

Skuadra mesa duket nuk paska menje me bo kthes. Kur su bo dhe me Bylisin do jet veshtir me marr pike. Ishalla u morin noi fitre ktyre t voglave te tjera apo dhe barazime jasht, sa me siguru Superligen, apo play-offin t pakten. Se kshu kena me ra direkt.

Si lujtem te kjo neshje?

Bakaj lujti gjo? apo sikur e kishin fut me zorr n fush?
_________________
Partizani.Net

Redbull · Posted: Mon Oct 20, 2008 11:23 am Post subject:

Me thene te drejten pjesen e pare nuk lujtem keq. pas glit te shenum e qarkullonim mie topin, por me nervozoi shume qe nuk tentonim shume porten. erdhi pjesa e dyte edhe ajo penallti qe vetem penallti s'ishte. Eshte hera e pare ne historine e futbollit shqiptar qe jepet nje penallti pa pasur futbollistat kontakt fare mes vete.

Gjithsesi Partizani duhet te reagonte edhe pas kesaj, gje qe nuk e beri edhe une absolutisht kam heq dore nga cdo pretendim sivjet..... skuadra duhet te mendoje per sezonin e ardhshem dhe te evitoje renien nga kategoria (per kete une nuk shqetesohem shume po nejse)....

Sa per Bakajn nuk u duk aspak sikur e kishin fut me zor ne fushe po eshte jashte forme komplet. GJith ndeshjen nuk beri asnje gje te vecante. Me formen qe trregoi ne kete ndeshje nuk iken dot as ne Malte per te lujt
_________________
Te gjithe vijne e ikin.... mbetet gjithmone vetem PARTIZANI

Eni · Shef Joined: 21 Mar 2006 Posts: 4445

Loja e mir per nje pjes me Bylisin nuk t jep shum shpresa.

Ishalla u marrim te tjerave fitore brenda, Lushnjes a ndonje tjetre. Do jet e veshtir ta sigurojm mbijetesen direkt, po vazhdum kshu. Se duhen len mbrapa 4 skuadra.
_________________
Partizani.Net

Redbull · Posted: Mon Oct 20, 2008 12:32 pm Post subject:

Jo mo nuk eshte aq alarmante sa per te rene nga kategoria.
_________________
Te gjithe vijne e ikin.... mbetet gjithmone vetem PARTIZANI