Fatjon Tafaj

HuHu · Posted: Fri Nov 21, 2008 3:49 pm Post subject:

TAFAJ, TE KUQVE U KTHEHET GRINTA
‘Ndihem mirë, jam gati të zbres në fushë. Nëse luajmë si me Elbasanin s’do kemi probleme’
Partizani/ Nisja e fazës II përkon me startin e “epokës Duro” për mbrojtësin.
Grinta dhe shpirti luftarak që mishëron sa herë zbret në fushë i kanë munguar jo pak Partizanit gjatë tre javëve të fundit. Saktësisht, kaq ka Fatjon Tafaji që nuk është në dispozicion të skuadrës, teksa me fillimin e fazës së dytë, me gati 20 ditë “vonesë”, për mbrojtësin tiranas do të nisë zyrtarisht epoka e Partizanit të Duros. Mbrojtësi ka arritur të hedhë prapa krahëve problemin fizik që e shqetësonte që prej derbit me Dinamon dhe dje për herë të parë është provuar nga tekniku në formacionin e mundshëm anti-Lushnjë. “Fatmirësisht luajta pa probleme dhe nuk ndjeva më shqetësim – tregon ai -. Prandaj them se jam gati të zbres në fushë kundër Lushnjes, për të dhënë kontributin tim siç kam bërë gjithmonë”, ka qetësuar Tafaj përsa i takon gjendjes së tij fizike.
Sekreti
Ndeshja e fundjavës në kampionat shihet nga i gjithë ambienti i kuq si një sfidë tepër vendimtare për vazhdimin e mëtejshëm të ecurisë dhe sidomos në këndvështrimin e shpëtimit që synon Partizani. Gjithsesi, mbrojtësi është i bindur në forcën e të gjithë grupit të lojtarëve, kur thotë: “Ndaj Lushnjës duhet thjeshtë të vazhdojmë ato paraqitje të mira që kemi bërë së fundi. Askush s’mund ta mohojë që, pavarësisht mungesës time, skuadra ka treguar rritje javë pas jave. Sekreti kësaj them se është psikologjik, pasi trajneri Duro na ka injektuar tepër gjallëri e besim, si në stërvitje, ashtu edhe gjatë ndeshjes. Mendoj që po të luajmë ashtu si me Elbasanin s’do ta kemi problem për të rrëmbyer ato pikë, që na nevojiten aq shumë, duke parë situatën në të cilën ndodhemi në renditje”.
Mbrojtja
Një rol themelor në sfidën me lushnjarët do të ketë pa dyshim mbrojtja, që nëpër javët e kaluara ka shfaqur sidomos gjëra për t’u ndrequr në
lojën ajrore. “Për këtë na e ka tërhequr vëmendjen edhe
vetë tekniku – pranon Tafaj -, por besoj se është një çështje vëmendjeje, asgjë më shumë. Kemi marrë masat për ta shmangur, duke filluar nga
kjo sfidë me Lushnjën”. Aty ku Partizanit i duhen aq shumë pikët, sa që do t’i mjaftonte edhe një gol i vetëm, pa pësuar asnjë.
STËRVITJA
Ndeshje kontrolli me të rinjtë.
Ndeshja e kontrollit për Partizanin ishte programuar për t’u zhvilluar dje ndaj skuadrës së të rinjve (2-1), me dy pjesë nga 30 minuta. Gjatë fraksionit të parë janë aktivizuar ata lojtarë, të cilët pritet të jenë titullarë ndaj Lushnjës, teksa është vënë re pikërisht
rikthimi i Tafajit në mbrojtje, në vend të Shalës. Ndërkohë, me grupin janë bashkuar edhe lojtarët, që vinin nga Kombëtaret: Bakaj, Karabeci
dhe Malota.

Shkrim i marre nga gazeta Panorama Sport date 21/11/2008
Gazetar MOLGEN BALENA
_________________
Forca Partizoni

Eni · Shef Joined: 21 Mar 2006 Posts: 4445

Profili ne faqe
_________________
Partizani.Net

HuHu · Posted: Sun Dec 14, 2008 6:22 am Post subject:

Pronincim i Duro per gazetaret para ndeshjes Partizani-Teuta

Përtej duelit me Starovën, problemet e formacionit duket se e shqetësojnë më shumë Duron: “Në këtë takim nuk doja të më mungonte Bakaj. Më mirë të më mungonte me Tiranën, sesa me Teutën. S’do të jetë as Tafaj, i cili për mendimin tim është një nga mbrojtësit më të mirë në futbollin shqiptar. Karapici është në dyshim, pasi s’është stërvitur mirë, për shkak të problemeve fizike. Por më shumë më shqetëson Babamusta. Ende më duhet të vlerësoj nëse do të jetë i gatshëm”.

Marre nga gazeta Panorama Sport, date 13/12/2008
Gazetar MOLGEN BALENA
_________________
Forca Partizoni

demi · Dem i Kuq Joined: 28 Nov 2007 Posts: 2246

Tafaj: Fitorja në Fier, shpëtim për Partizanin

Sipas mbrojtësit Fatjon Tafaj, të kuqtë vlerësojnë takimin e kupës, por mendjen e kanë te Apolonia

Do të jetë hera e parë që trajneri Shpëtim Duro do ta ketë të plotë grupin për dy takimet e kësaj jave, ku sot do të luajnë ndaj Burrelit për veprimtarinë e Kupës së Shqipërisë, ndërsa të shtunën kanë një përballje jetike me Apoloninë. Përveç Elis Bakajt ndaj Teutës, mungoi edhe Fatjon Tafaj, që për trajnerin Duro është një nga mbrojtësit më të mirë në Shqipëri, për sa i përket lojës difensive.

Normalisht, rikthimi i Tafajt nga pezullimi është një lajm i mirë kryesisht për takimin me Apoloninë, sepse fierakët janë rivali direkt i të kuqve. Sipas 26-vjeçarit, Partizani fillimisht kërkon që të kalojë me sukses Burrelin, por gjithsesi vëmendja është e përqendruar në Fier, pasi nëse merret tripikëshi atje, me 99% është arritur mbijetesa në kategorinë superiore. “Këtë javë na presin dy ndeshje të forta, pasi sot do të luajmë për kupë me Burrelin dhe të shtunën kemi transfertën e Fierit.

Fillimisht jemi përqendruar totalisht te ndeshja e kupës, të cilën e kemi vlerësuar maksimalisht, pavarësisht faktit se dy javë më parë kemi fituar 1-0 në Burrel. Në kupë jemi pretendentë, prandaj do t’ia bëjmë hyzmetin ndeshjes së sotme me matjanët. Fitorja në ndeshjen e parë na i ka shtuar shanset për t’u kualifikuar në kupë, por vëmendjen kryesore e kemi te ndeshja me Apoloninë.

Në Fier na pret një 90-minutësh i fortë, i cili do të thotë shumë për të dyja skuadrat, pasi si Partizani dhe Apolonia në këtë moment janë përfshirë në luftën për të mos rënë nga kategoria. Normalisht, nuk është e hijshme që Partizani të ndodhet në këto pozita, por një gjë është e sigurt se në rast se marrim tripikëshin në Fier, besoj se me 99% e kemi siguruar mbijetesën që në këtë moment.

Futbolli i pranon të tri rezultatet, kështu që edhe po humbëm, përsëri jemi me shpresa se mund t’ia dalim në pjesën në vazhdim. Prandaj, duke ditur se takimi Apolonia-Partizani është jetik për të dyja skuadrat, ne do të kërkojmë që të marrim maksimumin. Partizani ka edhe arsye për të marrë fitoren, pasi dihet se në fazën e parë jemi mundur nga fierakt në fushën tonë.

Pra, duhet të marrim “hakun” e fazës së parë, por edhe të rrisim besimin në vetvete se nuk jemi për të diskutuar rënien në një kategori më poshtë,”- u shpreh dje për “Sportin shqiptar” mbrojtësi i Partizanit, Fatjon Tafaj. Sipas 26-vjeçarit të kuq, skuadra ka treguar rritje nga java në javë, por është e pafat, pasi nuk po merr pikët që i meriton.

Megjithatë, mbrojtësi Tafaj është optimist për të ardhmen e Partizanit, pasi kampionati ka akoma shumë për të luajtur si dhe merkatoja e janarit është shumë pranë, kështu që është e sigurt se “demat e kuq” nuk do ta diskutojnë qëndrimin në futbollin e elitës.
SPORTI SHQIPTAR
_________________