Partizani.Net

Petrit DUME · Anetar i ri Joined: 23 Aug 2008 Posts: 24

O Eni, o Demi, po publikojini mor burra, fotot dhe logot qe u kam derguar ne adresat tuaja te e-maileve per Brigada e Kuqe....

Publikojini tek SONDAZHI, po mundet, qe te zgjedhim me te sakten dheme te miren...

demi · Posted: Wed Sep 03, 2008 8:13 pm Post subject:

Forever Red · Shef Joined: 18 Sep 2006 Posts: 4814 Location: Italia

petrit,mi co 1 her mu ato fotot me mail,mbase me vijn
_________________
PARTIZANI IS MY RELIGION...BORN TO SUPPORT YOU
TE DUASH PARTIZANIN ESHTE KENAQESI,TE URRESH TIRONEN DETYRE

Forever Red · Shef Joined: 18 Sep 2006 Posts: 4814 Location: Italia

Presidenti sheh në veprim të sapoardhurit, por edhe golat e Ngjelës
Xhani ‘ëmbëlsohet’ me brazilianët

Samba braziliane te Partizani ia del të gjallërojë, jo vetëm dashamirësit e thjeshtë të skuadrës së kuqe, por edhe presidentin Albert Xhani. Numri një i të kuqve nuk ka nguruar të shfaqet dje personalisht në ambientet e klubit, për të shikuar në veprim investimin më të fundit, treshen braziliane. Gjatë ndeshjes stërvitore, trajneri Lika fillimisht ka vendosur të hedhë në fushë Romën, të cilin e ka aktivizuar përkah Ngjelës, si dhe Kastelanin, që është pozicionuar në “kabinën e regjisë” në çift me Karapicin. Menjëherë janë vërejtur frutet e dialogimit të dy brazilianëve, të cilët dukej sikur kishin luajtur bashkë edhe më parë. Ndërsa veprimet e klasit, në fakt kishin nisur t’i shfaqnin që gjatë katërkëndëshit, që zakonisht të kuqtë zhvillojnë në fillim të stërvitjes. Sidoqoftë, në lojën e zhvilluar për rreth 25 minuta, nuk janë dalluar vetëm brazilianët, por edhe elementët e tjerë të ekipit. Mjafton të përmendet që nga kjo është frymëzuar edhe Ngjela, i cili deri tani ka hasur vështirësi për të gjetur rrugën e golit zyrtar, ndërsa dje ka realizuar plot tre herë. Në anë të fushës, teksa po konsumonte diçka për të ngrënë, presidenti Xhani ka marrë si “ëmbëlsirë” në fund lojën e brazilianëve, nga e cila është dukur sikur ka përfituar e gjithë skuadra. Megjithëse nuk ka dashur të flasë para gazetarëve, si përfundim nuk ka lënë pa nxjerrë nga goja ndonjë batutë, duke vlerësuar lojën e Romës dhe Kastelanit, por edhe të lojtarëve të tjerë. Gjithashtu, edhe tifozët e pranishëm prapa kangjellave kanë filluar të shohin me një farë optimizmi ndeshjen e fundjavës së ardhshme ndaj rivalëve të përjetshëm bardheblu. Më tej, për 20 minuta të tjera, Lika ka ndryshuar vendosjen e skuadrës në fushë, me synimin për t’i shikuar në veprim të tre brazilianët. E gjatë këtij minutazhi kanë ardhur edhe golat e realizuar nga Kastelani dhe Bruno, ndërkohë që Roma ka vazhduar të bindë Likën për t’i rezervuar një fanelë titullari në sulm dhe të ëmbëlsojë presidentin. Aq sa në fund e ka detyruar të pranojë: “Me këta brazilianët, ndaj Tiranës do të ketë spektakël!”.
_________________
PARTIZANI IS MY RELIGION...BORN TO SUPPORT YOU
TE DUASH PARTIZANIN ESHTE KENAQESI,TE URRESH TIRONEN DETYRE

Forever Red · Shef Joined: 18 Sep 2006 Posts: 4814 Location: Italia

Miqësorja me Kastriotin
Duke filluar nga ora 14.30, sot të kuqtë do të marrin rrugën drejt Krujës, aty ku do të luajnë një miqësore me Kastriotin vendës. Krutanët do të inugurojnë stadiumin e rikonstruktuar të qytetit të tyre, prandaj kanë zgjedhur Partizanin si kundërshtar për këtë takim, që do të ketë në një farë mënyre nota festive. Ndeshja duket se do të fillojë rreth orës 17.00 dhe pritet të ketë jo pak tifozë të kuq.
_________________
PARTIZANI IS MY RELIGION...BORN TO SUPPORT YOU
TE DUASH PARTIZANIN ESHTE KENAQESI,TE URRESH TIRONEN DETYRE

Forever Red · Shef Joined: 18 Sep 2006 Posts: 4814 Location: Italia

Shfaqet mesfushori Çeka
Me përjashtim të të grumbulluarve me Kombëtaret, edhe dje trajneri Lika ka patur të gjithë grupin e lojtarëve në dispozicion. Të vetmit që janë stërvitur veçmas ishin Babamusta e Rudho, të cilët kanë patur shqetësime fizikë dhe kanë kryer vetëm vrapime. Ndërkohë, me grupin është vënë re edhe prania për herë të parë e mesfushorit Çeka, për të cilin nuk dihet nëse do të jetë pjesë e ekipit të kuq.
_________________
PARTIZANI IS MY RELIGION...BORN TO SUPPORT YOU
TE DUASH PARTIZANIN ESHTE KENAQESI,TE URRESH TIRONEN DETYRE

Forever Red · Shef Joined: 18 Sep 2006 Posts: 4814 Location: Italia

Kolonia e brazilianëve
Gjashtë brazilianë mësohet se janë federuar në FSHF nga klubi i Partizanit, për sezonin e ri: veç Brunos, Romës e Kastelanit, të cilët kanë ardhur deri tani në urdhërat e trajnerit Hasan Lika, janë edhe tre lojtarë të tjerë që pritet të vijnë, ndonëse deri tani nuk ka asnjë sinjal. Gjithsesi nuk do të ishte çudi për kampionatin shqiptar që lojtarët, sidomos të huaj, të vinin edhe në mes të sezonit.
_________________
PARTIZANI IS MY RELIGION...BORN TO SUPPORT YOU
TE DUASH PARTIZANIN ESHTE KENAQESI,TE URRESH TIRONEN DETYRE

Forever Red · Shef Joined: 18 Sep 2006 Posts: 4814 Location: Italia

Isha-t e kuq janë kundër: Partizani, nuk fiton 4-1
5 Shtator

Osmani, Devolli e më pas Shkëmbi. Në fund Abilaliaj. Katër golat kundër Tiranës në një ndeshje futbolli që u shënuan pas gati dekadash është tashmë thjesht një kujtim. Që, megjithëse inatin e një sfide të tillë vështirë të përsëritet të paktën këtë sezon. Të katër emrat që realizuan fitoren e vitit të shkuar, një e tillë me përmasa historike për Partizanin kundër Tiranës nuk janë më pjesë e e skuadrës së kuqe.

Ndeshja – Ka qenë padyshim Partizani më i mirë i shumë viteve të fundit. Dhe fitorja ka qenë vërtet spektakolare. Pas dy golave të shënuar nga Osmani dhe Devolli në pjesën e parë, është një gjuajtje volej e Shkëmbit ajo që solli golin e sigurtë. Një frymëmarrje pas golit të Fortuzit dhe më pas një tjetër shtyrje e topit në rrjetë nga Abilaliaj. Atë ditë Partizani u bind se mund të synonte deri në javën e fundit titullin.

Largimet – Osmani dhe Devolli tani janë pjesë e Tiranës. Osmani është i bindur në atë që thotë: “Nuk besoj se Partizani tani mund ta mundë Tiranën 4?1. Ne jemi një skuadër e fortë dhe kjo Tiranë nuk është e vitit të shkuar. Pastaj Partizanin e kanë dëmtuar disi largimet. Megjithatë kam respekt për skuadrën ku kam luajtur një vit me radhë”. Devolli gjithashtu beson se skuadrës së kuqe diçka i ka humbur. “Është shumë normale që kur luajnë të gjithë më të mirët bashkë arrihen gjëra të mira. Dhe në sezonin e shkuar kemi qenë vërtet futbollistët më të mirë. Luanim të gjithë bashkë dhe fitonim pothuaj çdo ndeshje. Tiranën e kemi mundur keqaz, por tani gjërat kanë ndryshuar. Unë personalisht do bëj maksimumin te Tirana ta fitoj këtë ndeshje sepse besoj që duhet t’I shërbej sa më mirë skuadrës ku kam marrë pjesë”. Shkëmbi atuori i golit të tretë gjithashtu nuk mendon se të kuqtë do të jenë ndër skuadrat më të mira. “Ekipi u prish vetë nga presidenti dhe për këtë nuk ka asnjeri tjetër faj. Nuk mund të shkatërrohet gjithë skuadra për një verë. Me shumë keqardhje them që Partizani nuk do jetë ndër skuadrat më të mira këtë vit. Një derbi është i paparashikueshëm, megjithatë unë nuk i shoh të kuqtë një skuadër favorite”.
_________________
PARTIZANI IS MY RELIGION...BORN TO SUPPORT YOU
TE DUASH PARTIZANIN ESHTE KENAQESI,TE URRESH TIRONEN DETYRE

Forever Red · Shef Joined: 18 Sep 2006 Posts: 4814 Location: Italia

Hallaçi: Në derbi, një tjetër Partizan

Mbrojtësi kuksian i të kuqve është optimist për të ardhmen e skuadrës, pasi grupi është përforcuar

Në dy javët e para të sezonit të ri Partizani ka arritur që të marrë vetëm gjysmën e pikëve të mundshme. Por nëse ndaj Vllaznisë në fushën e lojës do të vendosej një skuadër më me eksperiencë, pa dyshim që të kuqtë do të kishin më shumë se tri pikë. Ndaj shkodranëve, kryesisht në pjesën e parë, “demat” nuk shpalosën asgjë, ku pa dyshim faktor ndikues është elementi me moshë të re dhe pa shumë eksperiencë në kategorinë superiore. Megjithatë, në fundin e merkatos verore drejtuesit e kuq i kanë lëvizuar gurët dhe radhët janë përforcuar me katër futbollistë të tjerë, të cilët do të luajnë në mesfushë dhe sulm. Pikërisht bëhet fjalë për brazilianët Roma, Bruno, Kastelani si dhe sulmuesi i ri Xhuliano Rrudho. Riforcimi i grupit e ka shtuar optimizmin në kampin e kuq dhe pritet që në javët në vazhdim të shikohet fytyra e vërtetë e Partizanit. Për momentin i vetmi problem është që katër futbollistët e ardhur rishtaz te Partizani të kapin sa më parë kondicionin e duhur fizik. Gjithsesi, mbrojtësi kuksian i të kuqve është i binduar se gjatë kësaj ndërprerjeje të kampionatit skuadra do të rikuperojë shumë dhe ndaj Tiranës do të shikohet një Partizan ndryshe nga ai që luajti me Vllazninë. “Gjatë kësaj periudhe Partizani ka kaluar disa peripeci, gjë të cilat lanë gjurmë edhe në fillimin e kampionatit. Por fatmirësisht gjërat kanë ndryshur për mirë dhe tashmë pritet një tjetër Partizan. Të gjithë jemi të bindur se ndaj Vllaznisë nuk është parë forca reale e skuadrës, prandaj këtë periudhë të ndërprerjes së kampionatit po e shfrytëzojmë në favorin tonë. Gjatë kësaj kohe Partizani është përforcuar edhe me katër futbollistë të tjerë, të cilët, me sa kemi parë, janë cilësorë. Prandaj personalisht jam optimist për të ardhmen e Partizanit dhe kam shumë bindje se në derbin e radhës me Tiranës skuadra do të shpalosë një tjetër imazh. Kështu që shpresoj se atë që ndodhi me Vllazninë të mos e përsërisim më, pasi me përforcimet e kryera kemi shumë mundësi të rivalizojmë me të gjitha skuadrat e tjera,”- u shpreh dje për “Sportin shqiptar” mbrojtësi i Partizanit, Rraman Hallaçi. Gjatë ditëve të fundit të merkatos verore u fol shumë për një kalim të kuksianit te Dinamo, por në fund ishte “zemra” ajo që vendosi për të ardhmen e mbrojtësit të Partizanit, i cili është shumë i lidhur me fanellën e kuqe.
_________________
PARTIZANI IS MY RELIGION...BORN TO SUPPORT YOU
TE DUASH PARTIZANIN ESHTE KENAQESI,TE URRESH TIRONEN DETYRE

Forever Red · Shef Joined: 18 Sep 2006 Posts: 4814 Location: Italia

Përforcimet, shpëtim për të kuqtë
Përgatitjen e derbit, Lika po e bën me një kontingjent, ku ka alternativa të shumta

Dy javë të luajtura,
dy gola të shënu
ar (njëri prej të
cilëve në pozicion të dyshimtë)
dhe po aq të pësuar.
Situata në këtë fillim sezoni
për Partizanin nuk ka qenë
nga më të mirat. Si shpresë,
përveç atyre tre pikëve të
rrëmbyera në javën e parë
ndaj Lushnjes, janë edhe
lojtart e ardhur nga vendi i
sambës. Ata, që kanë filluar
të bëjnë të ëndërrojnë tifozët
dhe vetë kreun e klubit të
kuq, sidomos duke parë që
është duke trokitur derbi me
Tiranën. Një lloj frymëmarrje
kanë dhënë brazilianët sidomos
për teknikun Lika, të cilit
i duhet të ndërtojë një
skuadër të denjë, për të përballuar
bardheblutë e përforcuar
fuqishëm. Në një kohë
kur rrezikohet që për derbin
e fundjavës së ardhshme të
mos jetë i gatshëm as Bakaj,
rikuperimi i të cilit duket i
vështirë. “Pozitat midis nesh
dhe Tiranës kanë ndryshuar.
Por shpresojmë që lojtarët, të
cilët do të na afrohen gjatë
kësaj periudhe të ndikojnë në
përmirësmin e ecurisë tonë të
mëtejshme”, ishte shprehur
tekniku në përfundim të
humbjes me Vllazninë. Me
këtë la të kuptohej se priste
që brazilianët, apo edhe Rudho,
do t’i shërbenin për t’i
dhënë një imazh më cilësor
ekipit, që për pjesën më të
madhe të ndeshjes me shkodranët
nuk u shfaq në lartësinë
e duhur. Kështu, gjatë
kësaj periudhe që ndan nga
përplasja kundër Tiranës,
Lika ka patur dhe do të ketë
mundësinë të punojë me një
kontingjent thuajse të plotë,
të cilit i mungojnë vetëm të
thirrurit me Kombëtaret.
Megjithatë duket se një
qetësim për teknikun janë
brazilianët, të cilët kanë lënë
përshtypje pozitive. Ata,
gjithashtu, do të mund të
plotësojnë edhe dy repartet
që kanë shfaqur më dobësi
gjatë dy ndeshjeve të para, si
mesfusha e sulmi. Kastelani
përkrah Karapicit, ose Babamustës,
mund të ketë lirinë
për të qarkulluar topin, gjë
për të cilën të kuqtë kanë
vuajtur jo pak. Ndërsa
Roma, si partner i Ngjelës
mund të shërbejë një armë
plus, nga i cili mund të ketë
përfitime vetë korçari, por
mbi të gjitha Partizani. Tashmë,
e vetmja gjë për të cilën
kanë nevojë nënkampionët
është koha.
_________________
PARTIZANI IS MY RELIGION...BORN TO SUPPORT YOU
TE DUASH PARTIZANIN ESHTE KENAQESI,TE URRESH TIRONEN DETYRE

Forever Red · Shef Joined: 18 Sep 2006 Posts: 4814 Location: Italia

Shpartallohet
Kastrioti
Nën frymëzimin e brazilianëve,
Partizani ka shfaqur
dominimin (3-0) kundrejt
Kastriotit brenda në Krujë.
Miqësorja e zhvilluar në stadiumin
e rikonstruktuar
krutan ka paraqitur një
skuadër të pamëshirshme,
aq sa ka arritur të realizojë
tre gola brenda 20 minutave.
E ka nisur Bruno (32’), për
të vazhduar me Kalarin
(45’) e më pas e ka mbyllur
i riu Ahmetaj (52’), i biri i
ish-futbollistit të famshëm
të Partizanit. Në formacionin
e kuq është vënë re
prania e tre brazilianëve që
nga fillimi, kurse në vend të
Shehit, në portë është aktivizuar
Xhika.
_________________
PARTIZANI IS MY RELIGION...BORN TO SUPPORT YOU
TE DUASH PARTIZANIN ESHTE KENAQESI,TE URRESH TIRONEN DETYRE

Forever Red · Shef Joined: 18 Sep 2006 Posts: 4814 Location: Italia

Partizani/Lojtarët garantojnë: Me zemër në fushë
Tirana me “ish”-ë,
stimul i dyfishtë
Të mbeturit nga vjet vijnë me motivim plus në derbi

Natyrisht që nuk
jemi ata të sezonit
të kaluar. Përbërja
jonë dhe ajo e Tiranës kanë
ndryshuar, aq sa bardheblutë
nisen në rolin e favoritëve”.
Në kohën kur Partizani
hyn në javën vendimtare
të përgatitjes së derbit të
madh, me të drejtë tekniku
Lika dallon faktin që të kuqtë
kanë ndërruar fytyrë nga
ajo skuadër që arriti të fitojë
dy nga tre përballjet e vjetshme
(1 barazim) kundër
bardhebluve. Për të demonstruar
këtë mjafton të përmendet
se pikërisht lojtarët
vendimtarë të atyre sfidave
derbi nuk luajnë më me
fanelën e kuqe. Osmani,
Devolli, Shkëmbi e Abilaliaj,
ndëshkuesit e Tiranës në atë
fitore 1-4 të paharrueshme
për tifozët e kuq, tashmë janë
shndërruar thjesht në një
kujtim. Po ashtu edhe Dhëmbi,
i cili bëri diferencën me
golin e tij në derbin e fazës së
tretë (2-1). E sikur të donte të
vazhdonte këtë rrjedhë, i
mbijetuari i vetëm ndër
“goditësit” e bardhebluve,
Elis Bakaj, është ende në dyshim
për shkak dëmtimi.
Megjithëse, në fund edhe
mund të jetë i gatshëm.
MOLGEN BALENA
Të mbeturit
Fakti që tre ndër lojtarët e
formacionit të vjetshëm të të
kuqve u rrëmbyen me ngulm
pikërisht nga drejtuesit e Tiranës,
flet jo pak për forcën
që kishte Partizani, gjë të
cilën e tregoi në duelet me
bardheblutë. Megjithatë,
pikërisht ata që do të luajnë
këtë derbi me një tjetër fanelë,
pritet të shërbejë si stimul
për ata, që kanë mbetur të
veshur me të kuqe. Për këtë
garantojnë vetë lojtarët, të
cilët nuk e tradhtuan Partizanin,
si Shehi, Pinari, Tafaj,
Hallaçi, Gjyla, Karapici e
Babamusta, apo ndonjë
tjetër. Gjatë kësaj periudhe
do të kenë detyrën e
udhëheqësve edhe për të sapoardhurit,
ndoshta të pamësuar
me përballimin e një
derbi me përmasa të tila, por
me dëshirën e madhe për të
treguar se nuk kanë ardhur
kot te Partizani.
Të gjithë bashkë, vërtet
mund të mos përsërisin dot
atë që realizoi skuadra e vjetshme,
por do të provojnë të
paktën të fillojnë të shkruajnë
një tjetër kapitull, sado të
vogël, të derbit më të ndjerë
të Shqipërisë.
_________________
PARTIZANI IS MY RELIGION...BORN TO SUPPORT YOU
TE DUASH PARTIZANIN ESHTE KENAQESI,TE URRESH TIRONEN DETYRE

Forever Red · Shef Joined: 18 Sep 2006 Posts: 4814 Location: Italia

Sot nis java
e derbit
Për Partizanin fillon sot java
përfundimtare e përgatitjes së
derbit të shumëpritur me Tiranën.
Pas miqësores së fituar
me Kastriotin dhe pushimit
të së dielës, të kuqtë do të
zbresin në ambientet e klubit
për të rinisur punën. Duhet të
vazhdojnë të mungojnë të
grumbulluarit me Kombëtaret,
megjithëse është për t’u verifikuar
gjendja e Bakajt, i cili
është i dëmtuar, aq sa u
detyrua të mos jetë i gatshëm
ndaj Suedisë. Por ka shpresa
që sulmuesi të rikuperohet
për sfidën e fundjavës.
Nëse bëhet gati me Qipron,
me siguri mund të luajë edhe
kundër Tiranës.
_________________
PARTIZANI IS MY RELIGION...BORN TO SUPPORT YOU
TE DUASH PARTIZANIN ESHTE KENAQESI,TE URRESH TIRONEN DETYRE

Forever Red · Shef Joined: 18 Sep 2006 Posts: 4814 Location: Italia

Shehi: Partizani i vërtetë nis me Tiranën

Kapiteni i të kuqve është optimist për të ardhmen e skuadrës dhe tashmë priten ditë më të mira

Partizani e ka nisur sezonin 2008-2009 me kapiten të ri dhe ky është portieri Orges Shehi. Fundi i kampionatit të shkuar la një shije jo të mirë te të kuqtë, ku pa dyshim dhimbjen më të madhe e ndieu “gardiani”, i cili për 70 minuta luajti me dorë të thyer. Pas 17 majit kampi i kuq ka kalur disa “furtuna”, por gjatë ditëve të fundit po jepen sinjale të mira, pasi Partizani po rritet dita ditës. Shkëndijat e para u panë të premten, ku në miqësoren ndaj Kastriotit, “demat e kuq” treguan se nuk janë ato të përballjes me Vllazninë. Në këtë miqësore nuk luajti kapiteni Shehi, i cili gjatë kësaj jave është përgatitur i diferencuar, pasi ka qenë i dëmtuar. Megjithatë pritet që në derbi “gardiani” të marrë pozicionin e tij dhe njëkohësisht të drejtojë shokët në fushën e lojës. Fitorja 3-0 me Kastriotin e ka rritur moralin në kampin e kuq dhe kapiteni është optimist për të ardhmen e Partizanit, pasi përforcimet e reja po i japin frytet. ” Gjatë javës nuk kam marrë ngarkesën e duhur, pasi kam pasur një dëmtim të lehtë, kështu që duke ditur se ndaj Kastriotit ishte thjeshtë një ndeshje miqësore u pa e udhës që të mos luaja, por kjo nuk do të thotë se do të përsëritet edhe në ndeshjen e radhës. Duke filluar nga e hëna do të bashkohem me grupin dhe do të përgatitem për takimin me Tiranën. Me atë që Partizani shfaqi ndaj Kastriotit kemi të drejtë të besojmë se situata është përmirësuar, sepse skuadra po tregon rritje në të gjitha aspektet. Padyshim, në përmirësimin e gjërave kanë ndikuar shumë faktorë dhe një nga këto është edhe afrimi i disa futbollistëve. Prej ditësh radhët tona janë shtuar me tre lojtarë brazilianë, të cilët mbartin vlera që do t’i shërbejnë Partizanit. Për momentin problemi i vetëm është se, këto lojtarë që kanë mbërritur së fundi, të kapin sa më parë kondicionin fizik. Duke ditur që deri te përballja e radhës kemi akoma edhe një javë kohë, them se në derbi do të shikohet ndryshimi i vërtetë i Partizanit. Nuk besoj se do të përsëritet më loja që bëmë me Vllazninë. Grupi është i vendosur dhe i përkushtuar në seancat stërvitore, prandaj nga derbi e në vazhdim Partizani do të vijë në rritje. Askush të mos e mendojë se Partizani i këtij sezoni, nuk do të luftojë për objektivat e tij historikë”,- u shpreh për “Sportin shqiptar” portieri dhe njëkohësisht kapiteni i “demave të kuq”, Orges Shehi.
_________________
PARTIZANI IS MY RELIGION...BORN TO SUPPORT YOU
TE DUASH PARTIZANIN ESHTE KENAQESI,TE URRESH TIRONEN DETYRE

Forever Red · Shef Joined: 18 Sep 2006 Posts: 4814 Location: Italia

Partizani e pret pa frikë sfidën me Tiranën

Autori: Ilir Cara
Data: 09/09/2008

Ndërprerja e kampionatit po u vlen të kuqve, pasi koha po u shërben për kolaudimin e grupit

Para dy javësh, në kampin e kuq situata ishte e zymtë, pasi grupi që ishte nën urdhrat e trajnerit Lika nuk premtonte shumë. Përveç varfërisë që paraqiste grupi, Partizani kishte edhe disa probleme të tjera, ku më e prekshmja ishin rrogat e prapambetura. Madje fill pas përfundimit të ndeshjes me Vllazninë, trajneri Lika e shikonte derbin me Tiranën në pozita të ndryshme nga një sezon më parë. Por me kalimin e ditëve “demat” kanë filluar ta marrin veten dhe, ndryshe nga dy javët e para, derbi me Tiranën pritet me më shumë optimizëm. Shkaqet e këtij transformimi janë disa, por pa dyshim ka ndikuar përmirësimi i gjendjes financiare, si dhe afrimi i katër futbollistëve, që mendohen se janë shumë të vlefshëm për Partizanin. Pikërisht bëhet fjalë për brazilianët Roma, Kastelani, Bruno si dhe ish-sulmuesi i Kievos, Xhuliano Rrudho. Të katër futbollistët në fjalë kanë mbërritur te Partizanini jo në kondicionin e duhur fizik. Ndërprerja e kampionatit për shkak të impenjimit të ekipeve kombëtare i ka bërë mirë Partizanit, pasi katër përforcimet e reja janë në rrugën e duhur dhe në këtë mënyrë trajneri Lika do ta ketë më të plotë grupin për derbin me bardheblutë. Kjo pauzë e kampionatit u ka kthyer buzëqeshjen të kuqve, pasi falë punës dhe përqendrimit në seancat stërvitore është rritur besimi në vetvete. Të premten e kaluar Partizani bëri një ndeshje kontrolli në Krujë, ku fitoi 3-0, dhe pas përfundimit të kësaj sfide drejtori teknik i të kuqve, Bejkush Birçe, ka theksuar se skuadra po e kalon të keqen. Pra, sipas ish-trajnerit të kombëtares, Partizani e ka kaluar pikën e këputjes që arriti në javën e dytë me Vllazninë. Tashmë, duke u përqendruar vetëm te seancat përgatitore, pritet një Partizan krejt tjetër, që do të ndjekë të përgjithshmen pozitive të sezonit të kaluar. Përmirësimi i “motit” në kampin e kuq ka bërë që derbin me Tiranën ta shikojnë si ndeshje të radhës, ku Partizani duhet të bëjë detyrat e tij. “Pse duhet të kemi frikë, në fushë do të luhet njëmbëdhjetë me njëmbëdhjetë, kështu që ndaj Tiranës do të luajmë që të realizojmë objektivat tona,”- është shprehur për “Sportin shqiptar” mbrojtësi me eksperiencë i Partizanit, Fatjon Tafaj. Përforcimi i grupit me tre futbollistët brazilianë dhe sulmuesin Rrudho e ka rritur adrenalinën në kampin e kuq, pasi frytet e para u dukën që në miqësoren me Kastriotin, ndërsa derbi me Tiranën pritet të vulosë transformimin e vërtetë të “demave të kuq”.

———————————

Infermieria e kuqe drejt boshatisjes

Pas përfundimit të ndeshjes me Vllazninë, stafi mjekësor i Partizanit ka pasur shumë punë, pasi të shumtë ishin lojtarët e dëmtuar. Mbrojtësi Shala nuk luajti ndaj shkodranëve, sepse u dëmtua në Lushnjë, por tashmë është plotësisht i gatshëm për trajnerin Lika. Gjithashtu, gjatë javës së shkuar disa futbollistë u përgatitën të diferencuar, si Shehi, Pinari, Babamusta dhe Rrudho. Por fillimi i javë së re ka sjellë sinjale të mira, pasi dje të gjithë futbollistët i janë bashkuar grupit dhe në këtë mënyrë infermieria është drejt boshatisjes. Megjithëse Xhuliano Rrudho është përgatitur dje me grupin, përsëri dora e majtë vazhdon të jetë e fashuar, por shpresohet se ndaj Tiranës sulmuesi do të jetë i gatshëm. I vetmi problem në kampin e kuq mbetet të shikohet se si do të jetë gjendja e sulmuesit Elis Bakaj, kur të kthehet nga ekipi kombëtar. Megjithëse Bakaj është pjesë e kombëtares, për ndeshjen me Suedinë më shumë i është nënshtruar një faze riaftësimi, por fillimi javës ka sjellë lajme të mira edhe për sulmuesin, pasi ka nisur përgatitjet me grupin.

————————————

E hëna përqendrohet te përgatitja fizike

Ndërprerja e kampionatit ka qëlluar në shenjë për Partizanin, pasi të kuqtë kanë pasur më shumë kohë që të përgatiten për derbin me Tiranën. Fundjava e kalur nuk ka qenë e lodhshme për futbollistët, pasi të shtunën janë mjaftuar vetëm me një seancë gjatë orëve të paradites, ndërsa e diela ka qenë pushim. Dje është parë se te Partizani nuk ka kohë për pushim, por vetëm për punë. Trajneri Lika kishte planifikuar për të hënën një seancë të mirëfilltë fizike, pasi pas përfundimit të kuadratit, të kuqve u është dashur që të djersijnë shumë. Pra, futbollistëve dje u ka dalë “për hundësh” pushimi i fundjavës. Gjithsesi, asnjëri nuk ka shfaqur pakënaqësi, madje variacioni i ushtrimeve përgatitore u ka pëlqyer. Të gjithë janë të ndërgjegjshëm se duhet të stërviten shumë që të ndryshojnë imazhin e dy javëve të para të kampionatit të 70-të. Edhe dje nuk kanë qenë të pranishëm në stërvije Bakaj, Karabeci dhe Malota, që janë të grumbulluar me ekipet kombëtare.
_________________
PARTIZANI IS MY RELIGION...BORN TO SUPPORT YOU
TE DUASH PARTIZANIN ESHTE KENAQESI,TE URRESH TIRONEN DETYRE