::::: LAJMET E FUNDIT :::::

demi · Dem i Kuq Joined: 28 Nov 2007 Posts: 2246

halili ka te drejte vetem kur i thot se duhet investuar shum,gje qe ky joni nuk po e ben
_________________

demi · Dem i Kuq Joined: 28 Nov 2007 Posts: 2246

ne 14 tetor vjen milani ne tr per miqesore me minjt.marreveshjen e ka arrit taci oil. te shpartallohen icik minjt Mr. Green

_________________

fatjoniPARTIZONI · Tifoz Joined: 26 Jul 2007 Posts: 155

O cuna un kto xheste,ka kto prostituta kalimtare i pritsha,po pritni ne i cik akoma kur t'filloj ne muzak suma ti boj.Ktu do jena,ne do m'kujtoni.Lojtaret qe lujn m'Shqipni jon t'gjith njerez pa kultur,pa karakter.Po mur i shemull saimir putan patushin.Sa lozte me Tironen,nuk kishte lon gjo pa thon per Partizonin,sa shkoj tna e sillte xhani ke Partizoni ja bojte un isha tifoz qe i vogel me Partizonin.Vetse kur lexoj para nja 6 mujsh i intervist t'pidhropshit ,ja bojte u zisha qe i vogel me shokun e bankes ,se isha tifoz me Tironen,ece meruni vesht.Redbull amon na thuj nei gjo mo shum,per ket lajm qe ke mur vesh.

Redbull · Posted: Tue Sep 16, 2008 2:56 pm Post subject:

nuk mora vesh noj gjo une jo thjesht keshtu shkrunte te kjo faqe... tashi sa mund te jete e vertete nuk e di....

There are plans for the team to be sold to an American Sports Management Group wanting to invest in football in Europe. There are also plans for a new 14,000 all-seated modern stadium.
(Ka plane qe ekipi ti shitet nje grupi American Sports Management qe deshiron te investoje ne Evrope. Ka gjithashtu plane per nje stadium te ri modern 14.000 vendesh qe te gjitha me ulese)

http://en.wikipedia.org/wiki/KF_Partizani_Tirana
_________________
Te gjithe vijne e ikin.... mbetet gjithmone vetem PARTIZANI

toncubi · Posted: Tue Sep 16, 2008 4:31 pm Post subject:

GJENERAL PETRIT DUME · Posted: Tue Sep 16, 2008 6:39 pm Post subject:

daniel.er · Anetar i ri Joined: 02 Sep 2008 Posts: 37 Location: Tirane

Forever Red · Shef Joined: 18 Sep 2006 Posts: 5078 Location: Italia

Birce: Ata që e shitën kampionatin, ikën nga Partizani!

Autori: Ilir Cara
Data: 17/09/2008

Për drejtorin teknik, Bejkush Birçe, grupi aktual premton më shumë se ai i kaluari, pasi është pastruar

Përfundimi i derbit Tirana-Partizani, megjithëse luhej në javën e tretë, e ka ndezur shumë shpejt betejen e polemikave. Por për habinë e të kuqve, pararojë e polemikave te bardheblutë janë pikërisht ata që sezonin e kaluar ishin pjesë e Partizanit. Gjithsesi, “demat” nuk e vrasin shumë mendjen, pasi ishin po këta që vjet para dhe pas derbeve me Tiranën kanë folur me të njëjtën gjuhë që përdorin sot ndaj ish-ekipit të tyre. Në kampin e kuq ka edhe nga ata persona, si drejtori teknik Bejkush Birçe, që nuk druhet t’i thotë gjërat hapur dhe siç i ndien. Sipas tyre, në këtë sezon Partizani vërtet po vuan në fillim, por ka besim te grupi aktual dhe ndihet i lehtësuar se ata që dorëzuan vjet kampionatin dhe përballjen e Kupës UEFA, janë larguar vetë nga skuadra.

“Në krahasim me sezonin e kaluar, Partizani ka ndryshuar shumë, pasi janë larguar disa futbollistë, që përbënin bazën e skuadrës. Besoj se ata që u larguan ia bënë vetes. Më vjen keq që një pjesë e të larguarve u treguan të dielën shumë entuziastë se mundën Partizanin. Të habit fakti se sa shpejt e harruan se deri para disa javësh ishin pjesë e Partizanit. Në fund të fundit, një pjesë e tyre bënë mirë që ikën, sepse ishin ata që e dorëzuan kampionatin dhe ndeshjen e Kupës UEFA. Këta lojtarë që shikoni tani te Partizani nuk janë ata që e dorëzuan sezonin e shkuar, por janë ata që u është dhimbsur më shumë kampionati i humbur në ndeshjen e fundit. Ata që ikën e dinë vetë se ç’kanë bërë, prandaj preferuan të largohen nga Partizani. Për mua, mirë kanë bërë që kanë ikur, pasi kanë gjetur vendin e tyre,”- është shprehur dje drejtori teknik i Partizanit, Bejkush Birçe.
“Ekipi është “top”, kemi të tjera për të zgjidhur”

Ish-trajneri i kombëtares, Bejkush Birçe, është personi që beson më shumë te grupi aktual i Partizanit. Por sipas drejtorit teknik, të kuqtë kanë shumë për të bërë, pasi duhen zgjidhur disa probleme të tjera që nuk kanë të bëjnë me lojtarët. “Skuadra aktuale është në rregull, madje të ardhmen e saj e shikoj më të mirë se ajo që patëm në sezonin e fundit. Nuk duhet marrë për bazë përfundimi i derbit, pasi ke çfarë mëson edhe nga humbja, kur ajo vjen si logjikë e lojës. Forcat tona reale janë për të balancuar ato ekipe që pretendojnë se janë përforcuar, por momentalisht ne duhet të evidentojmë dhe të zgjidhim disa probleme të tjera. Djemtë duhet vetëm të stërviten, por po të shikosh kushtet stërvitore të ditës së sotme (dje për shkak të shirave terreni stërvitor ishte rënduar), normalisht që dekurajohesh. Prandaj ne kemi disa gjëra të tjera që duhet të zgjidhim, pasi ekipin e shikoj në rrugë të mbarë, ku me pak më shumë përkushtim edhe repartet që janë disi prapa do të harmonizohen. Në derbi Partizani tregoi progres, por duhet të dini se ndaj bardhebluve nuk ishim të plotë, pasi tre brazilianët nuk janë ende në kondicioninn e duhur, Bakaj vinte pas një dëmtimi, ndërsa në pjesën e dytë luajtëm me një lojtar më pak. Nuk ia kam frikën skuadrës, por problemeve që e rrethojnë atë. Jam shumë i bindur se tre lojtarët brazilianë janë cilësorë dhe me kalimin e javëve do t’i japin më shumë vlera lojës sonë,”- ka vijuar më tej tekniku Birçe.
“Drejtimi i aktivitetit, problematikë më vete”

Problemtatika që ka sjellë kampionati aktual që në javën e tretë e shqetëson shumë Birçen, sipas të cilit duhet gjetur një mënyrë më efikase për të menaxhuar futbollin në Shqipëri, pasi po të ecet me këtë rrugë, spektatori do të largohet më shumë. “Duhen ndryshuar shumë gjëra në drejtimin e futbollit si dhe në mënyrën e organizimit të kampionatit. Shembulli më konkret ishte derbi midis Partizanit dhe Tiranës, ku u pa mirë numri i tifozëve, që ishte më i ulët se ai i policëve të pranishëm. Nuk është katastrofë se humbi Partizani, por problem është mënyra se si u vendos që të humbasë Partizani. Rrjedhojë e kësaj është se për të drejtuar këtë derbi vendoset një gjyqtar, i cili mund të jetë i mirë, por e keqja e tij është se është dashamirës i njërës skuadër. Kjo mënyrë të vepruari djeg automatikisht gjyqtarin e ri, që kërkojmë ta promovojmë në elitë, si dhe njollos kampionatin, duke humbur besueshmërinë në të ardhmen. Është shumë herët që të ndodhin gjëra të tilla. Tirana, meqë ka shpenzuar shumë, nuk është e thënë që të fitojë patjetër. Mund të gjenden shumë justifikime për të shfajësuar gabimet që u panë në derbin e fundit, por problemi është se kush e bën garantin se Partizani, apo një ekip tjetër, nuk do të përballet me të njëjtat gjëra, sepse dihet që përpara kemi edhe 30 javë kampionat,” - shtoi më tej drejtori teknik i të kuqve, Bejkush Birçe.
“Partizani ka nevojë për një arkë kursimi”

Ndryshimi i motit sjell shumë pështjellime në stërvitjet e të kuqve, pasi shirat e rëndojë shumë terrenin stërvitor. Prandaj për “kockën e vjetër” të futbollit, Bejkush Birçe, duhet gjetur një mënyrë, që skudra të dalë nga ky “batak” dhe futbollistët të kenë mundësi të stërviten në kushte optimale. “Terreni stërvitor është një nga problemet që Partizani vuan prej vitesh, por nuk mund të ecet gjatë kështu. Për t’u stërvitur normalisht Partizanit i duhen minimumi çdo ditë një 50 mijë lekësh i vjetër, që të paguajë një fushë me dimensione dhe kushte të rregullta, si për shembull fushat e qendrës stërvitore të ekipeve kombëtare në Kamëz. Prandaj e kam në mendje edhe hapjen e një fushate, ku duke hapur një arkë kursimi, mund të mblidhen para, që mund të japin shanse të përgatitemi në kushte normale. Them se skuadrës i leverdis që tri herë në javë të përgatitet në një fushë me dimensione të rregullta, pasi në këtë mënyrë futbollistët orientohen më drejt në terrenin e lojës,”- ka përfunduar tekniku Bejkush Birçe analizën e tij rreth problematikës së Partizanit dhe fillimit të sezonit të ri futbollistik.
_________________
PARTIZANI IS MY RELIGION...BORN TO SUPPORT YOU

Fytyra ime pas cdo deklarate te Xhanit:

Forever Red · Shef Joined: 18 Sep 2006 Posts: 5078 Location: Italia

Lika: Derbi, “kapitull” i mbyllur

Autori: Ilir Cara
Data: 17/09/2008

Trajneri flet për ndeshjen me Tiranën dhe përgatitjet e ekipit për ndeshjen e radhës me Teutën

Gjatë seancës së parë stërvitore, që të kuqtë kryen pasditen e djeshme, vihej re se trajneri Hasan Lika ndihej disi më i qetësuar, pasi derbin me Tiranën e ka përjetuar si asnjëherë tjetër. Ka qenë i pezulluar dhe i është dashur të drejtojë nga shkallët e stadiumit dhe të durojë padrejtësitë e gjykimit. Gjithsesi, trajneri Lika tregon se vlerat që skuadra shprehu ndaj Tiranës shumë shpejt do të japin rezultatet e tyre. “Problematikën e gjykimit të derbit e konsiderojmë kapitull të mbyllur tashmë, pasi të gjithë e panë se gjyqtari përdori dy standarde në punën e tij. Dihet se në një ndeshje futbolli janë shumë gjëra të pranishme. Në pjesën e parë mendoj se nuk luajtëm mirë, sepse ishim më inferiorë se kundërshtari. Në pjesën e dytë e morëm veten, madje e rritëm nivelin e lojës. Kjo gjë është pozitive, pasi me ardhjen e tre futbollistëve brazilianë, të cilët në derbi kontribuan për skuadrën, është rritur cilësia. Mendoj se në këtë takim skuadra jonë shfaqi vlera, që do t’i japin rezultatet shumë shpejt. Ky është vetëm fillimi i kapionatit dhe një pjesë e mirë e skuadrave po ecin në logjikën e fillimit, ku përfshihen problematikat e ndryshme. Prandaj ne si Partizan na del për detyrë që të përmirësohemi dhe të gjejmë rezultatet e duhura. Është mirë që fillimi të jetë me rezultate pozitive, por dihet se kampionati është i gjatë dhe ka vend e kohë për përmirësime,”- u shpreh dje për mediat trajneri Hasan Lika. Tri ndeshjet e para të kuqtë i kanë zhvilluar vetëm të dielave, por kjo gjë do të ndodhë edhe në dy javët në vazhdim. Duket se e diela nuk po i sjell fat Partizanit, gjë që pranohet edhe nga të kuqtë, por, sipas trajnerit Lika, është vetë skuadra ajo që do ta përcaktojë fatin e saj, pavarësisht ditës se kur luan.
_________________
PARTIZANI IS MY RELIGION...BORN TO SUPPORT YOU

Fytyra ime pas cdo deklarate te Xhanit:

Forever Red · Shef Joined: 18 Sep 2006 Posts: 5078 Location: Italia

Bruno: Partizanit i premtoj gola për trofe

Autori: Ilir Cara
Data: 16/09/2008

Sulmuesi brazilian i të kuqve Bruno debuton me gol, por nga derbi priste të merrte më shumë

Jo pa qëllim java përgatitore në kuadrin e derbit me Tiranën ishte e mbështjellë me optimizëm, pasi përforcimet e fundit, ku bëjnë pjesë brazilianët Roma, Bruno Kastelani si dhe sulmuesi Rrudho, e kishin rritur cilësinë në grup. Golin e vetëm për të kuqtë e shënoi sulmuesi Bruno Barbosa Da Enkarnasao, i cili ka debutuar me fanellën e kuqe në mënyrën më të mirë. Megjithëse ishte takimi i parë me Partizanin, sulmuesi brazilian nuk ka mbetur shumë i kënaqur, pasi goli i tij mbeti vetëm për statistikë, si dhe terreni i rënduar dhe mospërshtatja me grupin nuk e lanë të japë maksimumin. Por për të ardhmen 24-vjeçari brazilian premton shumë, pasi është i sigurt se Partizanit do t’i garantojë gola, që do të vlejnë në luftën për fitimin e trofeve. Pas përfundimit të derbit, falë ndihmës së menaxherit të brazilianëve të kuq, Nielsen Nashimento, që flet disa gjuhë të huaja, arritëm t’i marrim një prononcim sulmuesit, i cili komunikon vetëm në portugalisht. “Po bëhen tri javë që jam te Partizani dhe së bashku me patriotët e mi, Roma dhe Kastelani, ndihemi mirë në Shqipëri. Gjatë kësaj kohe që jemi përgatitur me skuadrën, jemi munduar që të punojmë fort, pasi na duhet të kapim formën më të mirë, sepse në krahasim me grupin jemi disi prapa me përgatitjen fizike. Megjithatë, në prezatimin e parë me Partizanin, së bashku me dy brazilianët e tjerë u munduam të japim më të mirën për ekipin. Jam i lumtur që karrierën te Partizani e kam nisur me gol, por më vjen keq që ky kol nuk u konvertua në pikë. Mendoj se në mosarritjen e këtij qëllimi ndikuan disa faktorë, ku pa dyshim gjyqtari u pa i lëkundur në vendimet e tij, por besoj se kudo në botë derbet, siç ishte ky midis Partizanit dhe Tiranës, ndikojnë në psikologjinë e lojtarëve. Besoj se ndaj Tiranës vetëm sa kam hedhur hapin e parë, kështu që tifozëve dhe drejtuesve të Partizanit u premtoj më shumë gola, të cilët do të jenë gola për trofe. Nuk e njoh mirë ambientin, por kam dëgjuar se Tirana është pretendente kryesor për fitimin e titullit. Nëse i gjykojmë gjërat ashtu siç u panë në fushën e lojës, mund të them se ata nuk janë më lart se Partizani. Prandaj, pavarësisht rezultateve të tri javëve të para, kam bindjen se skuadra ku bëj pjesë do të jetë në grupin e pretendenteve për fitimin e trofeve,”- u shpreh ekskluzivisht për “Sportin shqiptar” sulmuesi brazilian Bruno.

“Ndaj Tiranës dëshiroja një stil tjetër loje”

Sipas autorit të golit të vetëm të Partizanit, Bruno, në derbin me bardheblutë nuk janë parë vlerat e vërteta të futbollistëve brazilianë. “Personalisht së bashku me Romën dhe Kastelanin ishim përgatitur për tjetër gjë, por jo gjithçka shkoi sipas parashikimeve. Së pari, terreni ishte i rrëshqitshëm dhe me zor u ambientuam. Natyrshëm, jemi mësuar me tjetër futboll, kështu që nuk pritej të ishim vetvetja që në fillim. Duke parë mbrojtësit e Tiranës, që ishin shtatlartë dhe të fizikshëm gjatë gjithë takimit kam kërkuar nga shokët dhe stafi trajnues që topi të më pasohej shtruar, dhe jo në lartësi apo gjysmëlartësi. Por për fat të keq, në këtë takim nuk jam kuptuar si duhet me shokët, por shpresoj se në të ardhemn do të funksionojë gjithçka. Nëse topat do të më vijnë si në rastin e golit, jam i bindur se Partizanit nuk do t’i mungojnë golat e mi. Përveç këtyre gjërave, në mbarvajtien e derbit ndikoi edhe inferioriteti numerik, sepse në pjesën e dytë kemi luajtur me dhjetë veta. Gjyqtari pati disa raste në këtë takim që t’i balanconte forcat në fushë, por kishte mendim tjetër. Gjithsesi, të gjithë duhet të mbeten me shpresë se nga java në javë paraqitja e të kuqve do të vijë vetëm në rritje,”- ka përfunduar proncimin e tij për “Sportin shqiptar” golashënuesi më i ri i Partizanit, braziliani Bruno.
_________________
PARTIZANI IS MY RELIGION...BORN TO SUPPORT YOU

Fytyra ime pas cdo deklarate te Xhanit:

Forever Red · Shef Joined: 18 Sep 2006 Posts: 5078 Location: Italia

“Peza na tregoi
organet gjenitale”
Gjesti inatos fansat e kuq: Dhe e quan veten gjyqtar!

Pakkush mund ta ketë
vënë re në fundin e
derbit, por të prekurit
direkt e kanë patur të pamundur
të mos e shikonin. Veç
gjykimit që ka sjellë shumë
kontestime e diskutime, edhe
një gjest i pahijshëm i Ervis
Pezës në fund të ndeshjes ka
tërbuar fansët e kuq, të cilëve
u është shtuar irritimi, ndoshta
më tepër se për humbjen e
Partizanit.
Momenti
“Kur po hynte në dhomat e
zhveshjes, ai gjyqtar të cilit nuk
i përmendim dot as emrin, na
tregoi organet gjenitale - është
shprehur për “Panorama
Sport” një përfaqësi e ultrasve
të kuq, të cilët janë dukur tejet
të nervozuar -. Ky veprim tregoi
vërtet se çfarë njeriu është
Peza. Dhe e quan veten
gjyqtar. Në atë mënyrë la të
kuptohej qartë se ia kishte dalë
mbanë të realizonte me sukses
misionin e vet të deklaruar prej
kohësh, kundër Partizanit”.
Kështu, sikur të mos mjaftonte
ajo që bëri në fushë dhe që ka
irrituar drejtuesit e kuq, janë tifozët
ata, të cilët kanë marrë një
tjetër goditje, shumë më të
rëndë, nga “xhaketa e zezë” e
derbit të së dielës.
E rrallë
E të thuash që bëhet fjalë
për një rast të paprecedent, të
paktën në futbollin shqiptar,
ku gjatë viteve të fundit vështirë
se mund të ketë patur reagime
të tilla të gjyqtarëve, kundrejt
tifozerive. Ndërkohë që
ka patur disa raste, kur lojtarët
kanë kryer veprime të tilla.
Gjesti gjatë daljes së gjyqtarit
nga fusha është evidentuar
edhe në letrën e dërguar nga
drejtuesit e klubit në FSHF,
teksa shkruhej: “U bëri një
shenjë shumë ofenduese të
gjithë fansëve të Partizanit,
më i rëndë se gjesti ofendues
që bëri lojtari Devolli pas
golit të dytë”. Me kërkesën e
klubit për skualifikimin e
Pezës për një vit e gjysmë,
janë bashkuar edhe fansët e
Partizanit. Ndonëse edhe
kaq, ultrasve u duket fare pak:
“Me atë që bëri meriton të mos
gjykojë më jo vetëm Partizanin,
por të mos lejohet të vazhdojë
më karrierën”.
_________________
PARTIZANI IS MY RELIGION...BORN TO SUPPORT YOU

Fytyra ime pas cdo deklarate te Xhanit:

Forever Red · Shef Joined: 18 Sep 2006 Posts: 5078 Location: Italia

Lika i vë kapakun derbit:
Do të na shihni se cilët jemi!
Për të mos i hedhur zjarrit më tepër benzinë, te Partizani kanë
vendosur të mbyllin kapitullin e derbit dhe të hedhin vështrimin
përpara. “I thamë ato që kishim kundër gjyqtarit, madje edhe në
rrugë institucionale me letrën e dërguar në FSHF – ka deklaruar
trajneri Lika -. Tani nuk kemi përse merremi sërish me derbin.
Mendimi ynë duhet të jetë i përqendruar për të ndrequr atë, që
nuk ka ecur deri tani në ekip”. E megjithatë, teniku ka lënë të
kuptohet se pavarësisht humbjes, ka mbetur i kënaqur nga
paraqitja e djemve përballë Tiranës: “Pjesën e parë nuk ishin në
lartësinë e duhur, por në të dytën mund të them se luajtëm më
mirë se Tirana, që kishte edhe një lojtar më shumë. Sidoqoftë,
ky Partizan ende nuk e ka dhënë më të mirën e vet dhe për këtë
duhet të punojmë nga tani e tuje. Fillimi sigurisht që nuk ka
qenë pozitiv në planin e rezultateve, por gjithçka e treguar deri
tani mund të them se do të na shërbejë si bazë për të ardhmen”.
Ndër të tjera, Lika ka treguar se si përfundim nuk e pati problem
që të dielën qëndroi larg pankinës: “Eshtë diçka jo e
pëlqyeshme për çdo trajner, megjithatë unë nuk e ndjeva edhe
aq shumë distancimin nga pankina, pasi edhe nga aty ku isha
mbeta në kontakt të vazhdueshem me Genc Tomorrin”. Kurse
akuzës së ardhur nga Osmani se pikërisht trajneri është e keqja
e Partizanit, Lika është mjaftuar t’i përgjigjet me një farë
indiferentizmi: “Ai mesa duket ka atë mendim për mua, ndërsa
unë Osmanin e pëlqej si futbollist. Tashmë është një lojtar i
Tiranës dhe nuk dua të komentoj më shumë. Ndoshta, ai flet në
bazë të rregullores që i kanë caktuar te Tirana…”.
_________________
PARTIZANI IS MY RELIGION...BORN TO SUPPORT YOU

Fytyra ime pas cdo deklarate te Xhanit:

toncubi · Posted: Wed Sep 17, 2008 11:08 am Post subject:

Me ngroh fakti qe Bejkushi eshte optimist. Sepse ai gjithmone thote ate qe mendon, dhe ka qene ai qe nuk ka pranuar shume lojtare te huaj qe jane paraqitur tek partizani.
_________________

Lapeci · Tifoz i cmendur Joined: 02 Aug 2008 Posts: 244

Eni · Shef Joined: 21 Mar 2006 Posts: 4445

cuna po e myll ket tem dhe po hap nje te re se vajten shum postime
_________________
Partizani.Net