Skuadra (2)

Eni · Shef Joined: 21 Mar 2006 Posts: 4429

Pritje e ngrohtë nga lojtarët
Shpëtim Duro ka patur edhe takimin e parë rreth 15 minuta me lojtarët e skuadrës, në prani të presidentit Xhani. Kreu i klubit mësohet të ketë kërkuar mobilizimin e të gjithëve, duke shpresuar se edhe ndryshimi trajnerit do të sjellë një shkundje për futbollistët. Ndërsa, vetë tekniku u ka bërë të ditur se kërkon vetëm që të provojnë, sepse ka besim te forca e vërtetë e të gjithëve. “Ju njoh – mësohet të ketë deklaruar para grupit të kuq – dhe ua di secilit atë që mund të jepni në të vërtetë. Duhet të mbledhim forcat dhe të provojmë shanset, sepse jemi vetëm në fillim dhe asgjë s’është e mbaruar”. Edhe vetë lojtarët tashmë urojnë të vijnë ndryshime në disa aspekte. Domethënës ka qenë urimi i Elis Bakajt për Duron, para se ai të zbriste në fushë për stërvitjen e parë: “Profesor, ishallah me këmbë të mbarë”.

Panorama Sport
_________________
Partizani.Net

Eni · Shef Joined: 21 Mar 2006 Posts: 4429

A është vërtet “Shpëtimi” i Partizanit?
Shpëtim Duro është trajneri i ri i nënkampionëve të Shqipërisë”. Tingëllon bukur, por jo edhe aq nëse i shtojmë: “Ai ka marrë drejtimin e Partizanit që renditet i fundit në kampionat dhe po kalon një nga krizat më të vështira që ka njohur ky klub në historinë e tij”. Kështu gjërat ndërlikohen, madje shumë. Kjo lëvizje, më tepër se sa një manovër e Xhanit për të nxjerrë ekipin nga tuneli ku është futur, është një akt i guximshëm i trajnerit të ri, madje ka edhe nga ata që e konsiderojnë “kamikaz” vendimin e Duros për t’u ulur në pankinën e kuqe. Askush nuk mund të vërë në dyshim aftësitë dhe seriozitetin e ish-zv./trajnerit të Kombëtares, por dihet se shpëtimi i Partizanit nuk varet vetëm prej tij. Ai varet edhe nga futbollistët e kësaj skuadre që kanë muaj pa u paguar, një pjesë e të cilëve e kanë ndarë mendjen të ikin në janar. Varet nga presidenti Xhani, që impenjimin kundrejt klubit e ka vendosur në një terren tejet të rrëshqitshëm dhe kjo është po aq e vërtetë sa edhe pesë pikët që ka grumbulluar Partizani në këtë sezon. Deklaratat e tij që nisin me “mea culpa” dhe përfundojnë me “revolucion në gjithë futbollin shqiptar”, nuk janë edhe aq shpresdhënëse. Madje deri diku marrin përmasa shqetësuese. Shpëtimi varet edhe nga tifozët, që e kanë braktisur klubin e kuq dhe që padyshim ky është një minus shumë i madh për skuadrën që do të drejtojë. E ardhmja e Partizanit varet edhe nga merkato e janarit, ku megjithëse pretendohen blerje cilësore, besueshmëria e klubit dhe sidomos e drejtuesve të tij është në nivele të papërfillshme. E megjithatë, Partizani duhet të “shpëtojë”. Për të mirën e tij, të tifozëve të shumtë dhe të vetë futbollit shqiptar. Pa Partizan të gjithë e dimë se kampionati nuk është ai i zakonshmi, se futbolli “jonë” humb shumë nga bukuria e tij dhe se objektivi i Federatës për të rikthyer popullin në stadium, është i dështuar që në filizat e tij...

Panorama Sport
_________________
Partizani.Net

Eni · Shef Joined: 21 Mar 2006 Posts: 4429

Xhani: Lika, krahu im i djathtë
“Mos harroni se shumë shpejt Lika do të jetë krahu i djathtë i presidentit të Partizanit. Jo për sot, por për gjithmonë. Bashkë me Genc Tomorrin e Bejkush Birçen do të vazhdojmë të luftojmë deri në fund. Ne jemi në shtëpinë tonë dhe ata që mendojnë se do të largohemi nga shtëpia jonë, janë vetëm lloqe Kavaje. Ne vuajmë, sakrifikojmë dhe paguajmë për shtëpinë tonë. Do të vazhdojmë të jemi deri në fund dhe vetëm vdekja na ndan nga kjo punë”.

Panorama Sport
_________________
Partizani.Net

Redbull · Posted: Tue Oct 28, 2008 11:20 am Post subject:

Liken une do ta respektopj gjithmone..... ne keto kohe qe une e percjell Partizanin.... qe nga 2001 nuk me rezulton qe kemi pas ndonje trajner me te zotin se ai....
_________________
Te gjithe vijne e ikin.... mbetet gjithmone vetem PARTIZANI

Eni · Shef Joined: 21 Mar 2006 Posts: 4429

per mua jane Lika dhe Starova

megjithate te shikojm Duron mbase futet dhe ky ne liste
_________________
Partizani.Net

Eni · Shef Joined: 21 Mar 2006 Posts: 4429

Me ka pelqy edhe Spahiu, me dukej trajner i zoti, po ama kishte problem te kontrollonte lojtaret dhe ti bente ta respektonin. Mbase ngaqe ishte per nje kohe te gjate me t erinjte.
_________________
Partizani.Net

demi · Dem i Kuq Joined: 28 Nov 2007 Posts: 2231

Forever Red · Shef Joined: 18 Sep 2006 Posts: 5076 Location: Italia

per liken kam respekt...eshte tifoz i joni....starova sme pelqen si njeri
_________________
PARTIZANI IS MY RELIGION...BORN TO SUPPORT YOU

Fytyra ime pas cdo deklarate te Xhanit:

Redbull · Posted: Tue Oct 28, 2008 6:41 pm Post subject:

Edhe une kam shume respekt per Staroven.... heren e fundit qe e pash ne skaner foli edhe per Partizanin dhe tha llafe te mira. shihet qarte se eshte Partizons
_________________
Te gjithe vijne e ikin.... mbetet gjithmone vetem PARTIZANI

Eni · Shef Joined: 21 Mar 2006 Posts: 4429

Edhe Duro me pelqeu si fliste. Pash prezantimin qe beri dhe t pakten nga mnyra si fliste dukej njeri i mire dhe qe do mundohet per t miren e partizanit.
_________________
Partizani.Net

demi · Dem i Kuq Joined: 28 Nov 2007 Posts: 2231

te 3 kta(lika,starova,duro)me duken te duhurit per ekipin tone,askush tjeter
_________________

lumi · Tifoz Joined: 01 Sep 2007 Posts: 146 Location: Elbasan

Edhe Duro eshte tranier i mir dh pevec kesaj eshte edhe tifoz i Partizanit.Starova ,Lika dhe Duro jane te nje kalibri.
_________________
Para Partizanicesht kjo zhurm porsi zhurm tanku ,triblon Frasherin AGIM JANKU

demi · Dem i Kuq Joined: 28 Nov 2007 Posts: 2231

Forever Red · Shef Joined: 18 Sep 2006 Posts: 5076 Location: Italia

Roma e bën të madh Partizanin
1 Nentor Shtatë ndeshjet e para si i kuq pa gol: “Në Kupë shënova dopietë, tani nuk ndalem më”

Sulmuesi brazilian: Fundi i renditjes nuk i shkon skuadrës. Kemi nevojë urgjente për pikë”

Është aktivizuar në formacion me Partizanin menjëherë sapo erdhi nga Brazili, por vetëm pas gjashtë javësh e gjeti golin e tij të parë si i kuq. “Vuajti” shtatë ndeshje, por sulmuesi Roma shpërtheu më në fund në takimin e Kupës. Madje, realizoi dopietë. Ndoshta, nuk e kishte menduar kurrë se do të duhej të shkonte deri në Tepelenë për të shijuar rrjetën e tij të parë si “dem”. Tashmë, ndihet shumë i gëzuar dhe i qetësuar duke premtuar gola të tjerë. Roma, së bashku me Brunon e Kastelanin mbërritën te skuadra kryeqytetase pas javës së dytë dhe debutuan të tre në derbin ndaj Tiranës.

Dopieta? Ish?trajneri Lika ia dha menjëherë besimin duke e futur në çdo ndeshje në 11?she. Por, për Romën, goli “dukej” larg. Dopieta e së mërkurës për Kupë e ka bërë tepër entuziast. “Realizova për herë të parë me fanellën e skuadrës së Partizanit duke shënuar dopietë. Sigurisht që jam shumë i gëzuar pasi në çdo takim jam munduar të bëj gjithmonë më të mirën. Zoti e dha tani, dhe për këtë ndihem shumë mirë. Tani, besoj se do të shënoj vazhdimisht në takimet e ardhshme duke nisur që nga sfida e nesërme (sot) ndaj Shkumbinit”, shpreh gëzimin e tij patrioti i Ronaldinjos.

Dedikimi? Realizoi për herë të parë si i kuq dhe golat ia dedikon klubit të tij. “Ndjeva një gëzim të madh kur shënova të parin dhe e njëjta gjë më ndodhi edhe me golin e dytë. Ia dedikoj skuadrës së Partizanit dhe të gjithë pjestarëve të këtij klubi duke përfshirë këtu edhe tifozët e kësaj skuadre”, flet sulmuesi shtatshkurtër. Ndërkaq, braziliani tjetër Bruno që shënoi në debutimin në derbi ndaj Tiranës, golin ia dedikoi gruas së tij. Sulmuesi u drejtua nga tifozët e kuq duke i treguar një tatuazh në fund të barkut ku ishte shkruar emri i gruas së tij, Fernanda.

Renditja? Ka vetëm dy muaj te skuadra e kuqe, por duket që i kanë folur për historinë e këtij klubi pasi menjëherë ndryshon në fytyrë kur i përmend renditjen. Për ta kuptuar më mirë, të shpjegon gjithçka me duar. “Ndodhemi në vendin e fundit dhe kjo është një gjë e keqe për skuadrën. Luftojmë në çdo ndeshje për të arritur rezultate dhe për të dalë nga fundi i tabelës, por nuk ja kemi arritur dot”. Nesër përballë Shkumbinit? “Dihet, është një ndeshje shumë e rëndësishme për ne. Kemi përballë një kundërshtar që ndodhet në vendet e sipërme të renditjes dhe duhet që të luftojmë për të arritur të fitorja. Duhet që të marrim tre pikë për të gëzuar të gjithë tifozët tanë”, karikon skuadrën brazilianiRoma.

Ambjenti? “Ndihem mirë te skuadra e Partizanit. Të gjithë sillen mirë, jo vetëm me mua, por edhe me dy brazilianët e tjerë. Ambjenti është i ngrohtë dhe të gjithë na kanë pritur mirë. Jemi ambjentuar me të gjithë lojtarët dhe stafin. Çdo gjë shkon për mrekulli”, shprehet sulmuesi brazilian. Treshja nga vendi i Sambas qëndron në një prej hoteleve afër klubit të kuq dhe Roma sqaron se dalin së bashku dhe janë njohur me rrugët kryesore të metropolit shqiptar.
_________________
PARTIZANI IS MY RELIGION...BORN TO SUPPORT YOU

Fytyra ime pas cdo deklarate te Xhanit:

Forever Red · Shef Joined: 18 Sep 2006 Posts: 5076 Location: Italia

Partizani: Shkumbini, prova e parë e Duros

Autori: editor
Data: 31/10/2008
Version Print
Skuadra e Partizanit po vazhdon përgatitjet për ndeshjen e nesërme ndaj skuadrës së Shkumbinit, e vlefshme për javën e 9-të të Superligës. Pas fitores 5-1 ndaj Tepelenës në Kupë, ambienti në klubin kryeqytetas duket më optimist. Ndeshja ndaj Shkumbinit do të jetë dhe prova e parë e vërtetë për trajnerin Shpëtim Duro. Ish-trajneri i kombëtares U-17, u shpreh se skuadra e Partizanit nuk e meriton të jetë e fundit në Superligë. ‘Ndaj Shkumbinit lojtarët duhet të japin maksimumin për të arritur fitoren. Ngjitja e Partizanit do të fillojë që nga ndeshja e nesërme’, tha për gazetarët Shpëtim Duro. Problemi i vetëm për skuadrën e Partizanit janë dëmtimet e shumta. Lojtarëve të dëmtuar, Tafaj, Hallaçi, Shala, Doda u është shtuar edhe mungesa e sulmuesit Elis Bakaj. Futbollisti nuk ka kryer sot stërvitje së bashku me grupin, megjithëse nga stafi teknik i Partizanit medohet se Bakaj do të luajë nesër ndaj Shkumbinit. Partizani aktualisht renditet në vendin e fundit të Superligës me vetëm 5 pikë. Fitorja e vetme e Partizanit në këtë kampionat ka ardhur në javën e parë ndaj Lushnjes. Ndërsa Shkumbini ka bërë një paraqitje të mirë në këtë fillim kampionati dhe renditet në vendin e katërt të Superligës.
_________________
PARTIZANI IS MY RELIGION...BORN TO SUPPORT YOU

Fytyra ime pas cdo deklarate te Xhanit: