::::: LAJMET E FUNDIT (2) :::::

Eni · Shef Joined: 21 Mar 2006 Posts: 5891

Albert Xhani lojtarëve: Më 7 korrik rifillojmë!
Situata paraqitet thuajse e njëjtë te Partizani, edhe pse është përfolur shumë këto ditë për ndryshime të mëdha. Pritja për djemtë e kuq ende s’ka përfunduar dhe lojtarët po qëndrojnë me shpresë se do të zgjidhet diçka dhe disa prej tyre e kanë deklaruar se nuk do të largohen. Mëngjesin e ditës së djeshme presidenti Albert Xhani ka pasur kontakte telefonike me disa prej lojtarëve të kuq dhe u ka thënë atyre, se brenda kësaj jave do të ketë zhvillime të mëdha. Sipas asaj që u ka thënë Xhani lojtarëve, pritet që në datë 7 korrik të fillojnë përgatitjet për sezonin e ardhshëm futbollistik. Me rifillimin e stërvitjes pritet që të ketë edhe ndryshime të tjera, pasi Xhani premton një ekip të madh, që të jetë i denjë për rëndësinë që ka. Pritet normalisht që të fillohet të mendohet edhe për teknikun, që do të drejtoje ekipin për sezonin 2009-2010. Ende nuk është qartësuar në fakt se ku do të luajë Partizani, në Superiore apo në Kategorinë e Parë. Të kuqtë gjithashtu janë në pritje të ndonjë vendimi nga ana e Komitetit Ekzekutiv, për kërkesën e 12 klubeve të Superiores. Shpresa e të gjithëve është që edhe për sezonin e ardhshëm të jenë pjesë e Kategorisë Superiore, pasi ai është vendi që të kuqve u shkon për shtat. Gjithsesi lojtarët kanë besim te presidenti dhe urojnë që ndryshimet do të vinë shumë shpejt. Ata shprehin vazhdimisht se nuk do të largohen, nëse do të ketë ndryshime financiare. Afati përfundimtar që do të zbardhë të ardhmen e ekipit të Partizanit, pritet të shpallet pikërisht këtë javë. Lojtarët e kuq deri më tani janë shprehur se me përfundimin e këtij afati do mendojnë për të ardhmen. (Panorama Sport)
_________________
Partizani.Net

ALBI DEMI I KUQ · Tifoz i cmendur Joined: 22 Nov 2008 Posts: 265

Për Partizanin po vajton edhe moti…

Një sezon më parë të kuqtë përgatiteshin për në Europë, ndërsa tani kanë vetëm emrin

Një vit më parë, Partizani i kryente përgatitjet në Pogradec, pasi të kuqtë merrnin pjesë në Kupën UEFA, ndërsa momentalisht pyetja më e rëndomtë që mund të bëhet në ambientet sportive është: A ekziston më Partizani? Duhet thënë se tatëpjeta e të kuqve nisi pikërisht një sezon më parë, ku u larguan nënkampionët, të cilët u zëvendësuan me mall me çmim të lirë. Për një vit me radhë nuk është folur për lojtarë të Partizanit, por për vullnetarë të Albert Xhanit, pasi skuadra në asnjë rast nuk është paguar nga i zoti shtëpisë. Më 29 maj, Partizani zbriti në kategorinë e parë, por megjithëse ka kaluar më shumë se një muaj nga kjo disfatë, nga kampi i kuq nuk ka asnjë shenjë jete. Disa ditë pas ndeshjes së “play-out”-it, ku të kuqtë zbritën në kategorinë e parë, trajneri Shpëtim Duro parashikonte se zbritja është një e keqe e vogël përpara zgjidhjes së çështjes financiare. Pyetjes se ku mund të shkojë një skuadër e tillë e papaguar, trajneri Duro i përgjigjej: “Rënia nga kategoria ishte një e keqe jo e vogël për Partizanin. Por a mendoni se nëse problemet financiare nuk zgjidhen ky klub rrezikon shumë më tepër? Kjo është një pyetje, duke e marrë veten si një dashamirës të Partizanit, jashtë rolit të trajnerit. Partizani ka shumë probleme për të cilat nuk është trajneri të cilit i takon të flasë. Por është e sigurt se, nëse problemet financiare nuk zgjidhen, në kategorinë e parë do të jetë shumë e vështirë, duke parë dhe rivalitetin. Një skuadër e papaguar do ta ketë shumë të vështirë, sepse vetëm dy skuadra dalin.” Eshtë cituar shpesh se Partizani nuk ecën me kohën, por ama Partizani po i ngjan motit të ditëve të fundit, pasi retë mbizotërojnë gjithandej dhe pasdite shpërthejnë në reshje të mëdha shiu. Presidenti Albert Xhani, si gjithmonë, është personi më optimist në kampin e kuq dhe, falë kësaj fryme, parashikon se shumë shpejt do të ketë përmirësim të situatës. Megjithëse skuadra ka rënë në kategorinë e parë, presidenti me largpamësinë e tij ka deklaruar para ca ditësh se po punon për ndërtimin e Partizanit, i cili do të marrë pjesë në kategorinë superiore. Komenti i vetëm i tifozëve të kuq rreth premtimit të fundit të presidentit Xhani është: “Ishalla kësaj radhe fjalët e tij bien në veshë të perëndisë.” Për momentin Partizani mbetet në vend-numëro, madje të krijohet përshtypja se edhe moti po vajton situatën, që po kalon skuadra e rrugës “Frosina Plaku”.
_________________
ckan minjte qe po dridhen demat e kuq ne sulm po hidhen

ALBI DEMI I KUQ · Tifoz i cmendur Joined: 22 Nov 2008 Posts: 265

Mesfushori paralejmeron se nuk ka ndermend te sakrifikoje edhe nje vit tjeter
[b]Karabeci: Qendroj, por jo pa para
"Kam deshire te luaje me kete skuader, por ne situaten qe ndodhemi eshte e veshtire[/b]"

Situata te Partizani
vazhdon të mbete e
njëjta, asnjë zhvillim
të ri nuk ka pasur deri
në këto momente. Lojtarët
janë në “agoni” të plotë
përsa i përket të ardhmes
së tyre. Të gjithë shprehen
se janë shumë të lidhur me
ekipin e kuq dhe se nuk
dëshirojnë të largohen, por
kjo vetëm nëse do të
përmirësohet gjendja financiare.
Një gjë të tillë për
“Panorama Sport” e shprehu
edhe mesfushori 21-
vjeçar i Partizanit, mjaft i
talentuar, Erando Karabeci.
I riu, me aftësitë e tij mjaft
të mira futbollistike ka arritur
të spikasë tek ekipi i
kuq, gjithashtu edhe me
Shpresat e U-21, ku ka
shënuar dhe një gol të
rëndësishëm në ndeshjen e
fundit, kundër Gjeorgjisë.
Karabeci është kërkuar nga
ekipi grek i PAS Janinas,
por vetë lojtari u shpreh se
ende nuk është vendosur
asgjë. Në një intervistë për
“Panorama Sport”, Karabeci
deklaron.
Si po i kaloni pushimet?
Për momentin jam me
pushime, po qëndroj pranë
familjes. Por nuk po i quaj
të mirëfillta, pasi jam
përqendruar te stërvitja
dhe përgatitja ime fizike.
Dua të jem në maksimumin
tim për sezonin e ardhshëm.
Për momentin po stërvitem
individualisht nën
drejtimin e një trajneri personal,
i cili po më ndihmon
për të arritur qëllimin tim.
Largimet e fundit të
Shehit dhe të teknikut
Duro, a po ndikojnë negativisht
te Partizani?
Si trajneri, edhe kapiteni
kanë qenë dy pika të
rëndësishme te Partizani
gjatë sezonit të kaluar.
Kanë qenë një mbështetje e
madhe për ne që të mos
dorëzoheshim. Trajneri
Duro ka qenë pikërisht ai,
që na ka mbajtur shumë të
lidhur me njëri-tjetrin,
duke na dhënë kurajë.
Largimi i tij mund të
ndikojë negativisht tek ekipi,
pasi edhe vetë kapiteni
u largua pikërisht pas ikjes
së trajnerit. Ai ka qenë një
arsye që s’kemi dashur të
largohemi.
Cili është mendimi juaj
për situatën e të kuqve?
Situata është shumë e
nderë dhe nuk ka shumë
nevojë për komente, por
uroj që të ndryshojë dhe
kriza të marrë fund. Fjalët
janë mjaft të mira, siç kemi
dëgjuar dhe lexuar nga
gazetat.
Optimizmit tuaj për
ndryshimin e situatës,
nëse do i jepnit një shifër,
sa do ishte?
Me përqindje, besoj se 60
me 40.
Përsa i përket të ardhmes,
çfarë planesh keni?
Për momentin jam lojtar
i Partizanit, ende nuk kam
vendosur për të ardhmen
time. Ofertat nuk kanë munguar,
por është herët të
jap një përgjigje. Në të
vërtetë unë kam dëshirë që
të qëndroj te ky ekip dhe
nuk do të dëshiroja të lëvizja,
por kjo realizohet vetëm
nëse do të ketë përmirësime
nga ana ekonomike.
PAS Janina ka kërkuar
kartonin tuaj, deri ku kanë
arritur bisedimet?
Ekipi grek ka treguar interes
për mua dhe më ka
vëzhguar në disa ndeshje.
Bisedime ka pasur, por jo
përfundimtare dhe asgjë
nuk është konkretizuar.
PAS Janina ende nuk ka filluar
përgatitjet për sezonin
e ri futbollistik, kështu që
edhe unë jam në pritje të
zhvillimeve të fundit. Por
dua të shtoj që jam ende i
ri si futbollist, jo me
shumë eksperiencë edhe
mendoj që një tjetër sezon
te Partizani do të më ndihmonte
shumë. Do ndihesha
më i fortë dhe më i
sigurt në vetvete, por për
momentin gjithçka është e
hapur përsa i përket të
ardhmes sime.

(panorama sport)
_________________
ckan minjte qe po dridhen demat e kuq ne sulm po hidhen

ALBI DEMI I KUQ · Tifoz i cmendur Joined: 22 Nov 2008 Posts: 265

Projekti “Xhani” starton
me Zhupën dhe Bejzaden
Rikthehet Beqiri e Sheta, afrohen Klevis Dalipi dhe Ishka
Partizani/ Përvijohet tentativa e radhës te ‘demat e kuq’

LEONARD KARAJ
Ka qenë dhe mbetet një nga beniaminët
e Albert Xhanit. Në përfundim
të karrierës së tij, 35-vjeçari tenton
të luajë edhe rolin e zv/trajnerit
te “Demat e kuq”, duke shkelmuar
hera herës edhe topin në ndonjë
ndeshje. Sezonin e fundit thuajse
nuk u pa në fushë me Elbasanin dhe
i mbetur pa kontratë, do të rikthehet
SKERDI BEJZADE tek ish-skuadra e tij.
Ka në mëndje një su
per-Partizan. Duke
nisur nga mbrojtja
e deri te sulmi, Bert Xhani
bën llogari me “ish”-ë pa
kontrata dhe futbollistë të lirë,
që mezi presin një fanellë të
re titullare për sezonin 2009-
2010. Tentativa e radhës e
presidentit të Partizanit është
rikthimi i ish-kapitenit,
Ardit Beqiri dhe i beniaminit
të tij, Skerdi Bejzade, si dhe
afrimet e Klevis Dalipit e
Sokol Ishkës. Por qershiza
mbi tortë quhet Eduart Zhupa,
i cili mendohet se do të
drejtojë skuadrën e këtij sezoni
në Kategorinë e Parë.
Ringritja
Me përfundimin e
zgjedhjeve, duket se ka marrë
udhë edhe projekti i Xhanit
,për ringritjen e skuadrës së tij,
tashmë një kategori më poshtë.
Ndonëse mban sekret emrat
e donatorëve që do të financojnë
skuadrën e kuqe,
njëshi i “Demave të kuq” mësohet
të ketë filluar nga ndërtimi
i ekipit. Beqiri, aktualisht
një futbollist i lirë, është më
shumë se një opsion për Partizanin.
30-vjeçari ka qenë
kapiteni i kësaj skuadre prej
2005-2008 dhe ka veshur këtë
fanellë në më shumë se 185
ndeshje në 8 sezone. Një ishtjetër,
Arjan Sheta ka luajtur
për Partizanin më 1997-1999,
pikërisht në momentin kur kjo
skuadër ra në Kategori të Parë
për herë të parë. Tashmë i
mbetur edhe pa një kontratë
(gjysmën e sezonit të fundit te
Teuta) dëshiron të rikthehet
aty ku e nisi. Dy emra të tjerë
shumë të rëndësishëm, që
Xhani do të marrë te skuadra
e sezonit të ri janë edhe Sokol
Ishka dhe Klevis Dalipi. Që të
dy lojtarët janë pa kontrata
dhe për më tepër, pa shumë
opsione zgjedhjeje.
Pankina
Në vend të Shpëtim Duros
do të rikthehet Eduar Zhupa,
i cili ka drejtuar për disa sezone
Partizanin si zëvendëstrajner
(me Sulejman
Memën dhe Starovën). Zhupa
mësohet se ka pranuar të
marrë drejtimin e skuadrës
me kushtin e vetëm që të zgjidhet
një herë e mirë ana financiare
e klubit. Këtë gjë e ka
kërkuar si kusht parësor edhe
Skerdi Bejzade, i cili do të jetë
jo vetëm një lojtar i Partizanit,
por do të luajë edhe rolin e
zëvendëstrajnerit
_________________
ckan minjte qe po dridhen demat e kuq ne sulm po hidhen

ALBI DEMI I KUQ · Tifoz i cmendur Joined: 22 Nov 2008 Posts: 265

Arjan Sheta
Është një ish-”Dem i kuq”.
Për Partizanin ka luajtur më
1997-1999 dhe pikërisht në
momentin kur kjo skuadër ra
në Kategori të Parë për herë
të parë. Tashmë, i mbetur
edhe pa një kontratë
(gjysmën e sezonit të fundit
te Teuta) dëshiron të
rikthehet aty ku e nisi.

Klevis Dalipi
I shumëshëtitur si në
Superligë dhe jashtë saj.
Sezonin e fundit e mbylli te
Bylisi, ku tregoi një rënie jo
vetëm në aspektin fizik, por
edhe të golave. Është
thuajse në përfundim të
karrierës dhe Partizani në
Kategori të Parë e sheh si
mundësinë më të mirë.

Sokol Ishka
është mbyllur çdo mundësi
për të qëndruar te Besa e
Kavajës, ndaj sheh si opsion
kthimin në kryeqytet, ku më
parë ka luajtur për
Dinamon dhe Tiranën. Me
Partizanin nuk ka luajtur
asnjëherë (Besa, Dinamo,
Shkumbini, Elbasani,
Vllaznia, Erzeni, Tirana).

Ardit Beqiri30-vjeçari ka qenë kapiteni i
Partizanit prej 2005-2008,
kur u largua në drejtim të
Elbasanit. Aktualisht është
një futbollist i lirë dhe
rikthimi i tij te “demat e
kuq” është më shumë se një
opsion. Ka luajtur për
Partizanin në 185 ndeshje
për 8 sezone.

Skerdi Bejzade
Ka qenë dhe mbetet një nga beniaminët
e Albert Xhanit. Në përfundim
të karrierës së tij, 35-vjeçari tenton
të luajë edhe rolin e zv/trajnerit
te “Demat e kuq”, duke shkelmuar
hera herës edhe topin në ndonjë
ndeshje. Sezonin e fundit thuajse
nuk u pa në fushë me Elbasanin dhe
i mbetur pa kontratë, do të rikthehet
tek ish-skuadra e tij.

Bllofi i radhes?
Nuk është hera e parë
gjatë muajit të fundit që
presidenti Albert Xhani
tenton dhe konfirmon
ringritjen e skuadrës së
Partizanit. Para emrave të
mësipërm Xhani pati
tentuar mbajtjen të
paprekshme të skuadrës që
përfundoi sezonin e kaluar
me në krye Shpëtim
Duron, i larguar te Besa.
Ndaj nuk përjashtohet
mundësia që edhe këtë
herë tentativat e Njëshit
të kuq të mos realizohen.

(panorama sport)
_________________
ckan minjte qe po dridhen demat e kuq ne sulm po hidhen

Redbull · Posted: Fri Jul 03, 2009 12:57 pm Post subject:

ishalla eshte zgjidh ne cfaredo forme ceshtja financiare.

kjo liste lojtaresh mund te beje pune nese do jemi ne kategirine e pare..... sigurisht nese nuk largohen edhe lojtaret e tjere.
_________________
Te gjithe vijne e ikin.... mbetet gjithmone vetem PARTIZANI

toncubi · Posted: Fri Jul 03, 2009 1:26 pm Post subject:

What's next .............
_________________

Miri 71 · Tifoz Joined: 21 May 2009 Posts: 169

si zej bes asgjoje tani,as atyne 4 biznesmenve anonim, as ktyne deklaratave qe shkruhen lart e posht,boll me premtime e mashtrime,kupa o mush e po derdhet,jena lodh me llafe koti e premtime pa fun Sad

,
bravo Xhani forca Xhani se me ty nkrye vdiq PARTIZONI
_________________
Ngjyre e kuqe Ngjyre dashnie ktyne djemve ci ka hije

ALBI DEMI I KUQ · Tifoz i cmendur Joined: 22 Nov 2008 Posts: 265

Bejzade, K.Dalipi dhe Ishka jane te gatshem per te luajtur me te kuqte
Tre titullarë pranojnë oferten
Lojtarët konfirmojnë bisedimet me presidentin Xhani, teksa kanë rënë parimisht dakord

Tregohen të gatshëm
të preferuarit e pres
identit Albert
Xhani, Bejzade, Dalipi dhe
Ishka, që sezonin e ardhshëm
të veshin fanellën e
kuqe. Nga burime të sigurta
pranë kreut të klubit, dje u
mësuan planet e tij për super-
Partizanin. Tentativat e
tij janë që të afrojë në ekip
disa lojtarë që dikur kanë
kontribuuar për të. Bëhet
fjalë për ish-kapitenin Ardit
Beqiri, Skerdi Bejzaden, Klevis
Dalipin, Sokol Ishkën, si
dhe Julian Ahmatajn. Faktin
që njëshi i të kuqve ka biseduar
me lojtarët na e konfirmuan
edhe vetë ata. Nga
kontaktet telefonike që “Panorama
Sport” realizoi me
disa prej tyre, rezultoi se e
gjithë kjo është e vërtetë.
Madje edhe që Xhani ka arritur
një akord me ta,
ndonëse vetëm parimisht.
Ata pranuan se kanë kontaktuar
me vetë Xhanin dhe
me persona pranë tij. E
përveç kësaj kanë pohuar se
janë të gatshëm që sezonin
tjetër të luajnë me klubin
legjendar, ndonëse në Kategorinë
e Parë. Por ama me një
kusht: që të ketë korrektësi
lidhur me pagesën. Gjatë
prononcimit të tij për “Panorama
Sport”, beniamini i
Bert Xhanit, Skerdi Bejzade,
deklaroi se ka pasur kontakte
të shpeshta me presidentin
e të kuqve, duke qenë
se e ka edhe shumë mik:
“Kam kontaktuar shpesh me
Xhanin, duke qenë se është
një nga miqtë e mi më të mirë.
Jam në dijeni të kësaj situate
dhe nuk kam pse të mos e
pranoj ofertën, e cila është me
të vërtetë tunduese. Në fakt
me Partizanin jam mjaft i
lidhur, sepse kam luajtur
këtu dhe jam ndjerë shumë
mirë”. Kur u pyet për postin
e zëvendëstrajnerit, sulmuesi
35-vjeçar u përgjigj duke
qeshur: “Nuk është ndonjë
gjë që nuk bëhet, pasi e kam
bërë këtë edhe në skuadrat e
tjera ku kam luajtur”. Të njëjtin
gjë thotë edhe futbollisti
Klevis Dalipi: “Unë kam pasur
kontakte jo të drejtpërdrejta
me Xhanin, por me persona
pranë tij. Tani jam në
pritje të një oferte konkrete,
pasi në ditët në vazhdim besoj
se mund të kem kontakte
më nga afër me të, për të arritur
një akord, që uroj të
konkretizohet me firmosjen e
një kontrate”. Lidhur me këtë
është shprehur edhe Sokol
Ishka, futbollist ky që është
“prodhim” i klubit të Partizanit:
“Kam pasur kontakte
me presidentin Xhani para
disa ditësh. Ai më ka bërë një
ofertë konkrete, e cila më ka
pëlqyer. Ditët në vazhdim do
të kemi kontakte të tjera, për
të folur edhe për detajet”.
Gjithsesi, në ditët në vijim do
të kemi një pasqyrë më të
qartë sa i përket afrimeve të
mundshme tek të kuqtë, për
sezonin e ardhshëm.

Sokol Ishka
Sokol Ishka për
“Panorama Sport”,
deklaroi se do të
ishte i kënaqur që
të realizohej
kalimi i tij tek
Partizani. “Para
disa ditësh kam
pasur kontakte me Xhanin. Ai më ka
bërë një ofertë konkrete, e cila më ka
pëlqyer, kështu që nuk kam arsye pse
të mos pranoj. Ditët në vazhdim do të
kemi të tjera kontakte, për të folur
edhe për detajet”.

Skerdi Bejzade
Skerdi Bejzade, të cilit
Albert Xhani i ka bërë
një ofertë për të qenë
jo vetëm lojtar, por
edhe zëvendëstrajner
tek Partizani, ka
pranuar se ka pasur
kontakte të shpeshta me kreun e klubit, të
cilin e ka edhe shumë mik. Kësisoj, nuk do
të ishte aspak e vështirë për të që të
afrohet tek të kuqtë, përkundrazi do të
ishte kënaqësi. “Nuk është ndonjë gjë që
nuk bëhet, pasi e kam bërë këtë edhe në
skuadrat e tjera ku kam luajtur”.

Klevis Dalipi
Ndërsa Klevis Dalipi
ka bërë të ditur se
nuk ka pasur
kontakte
personalisht me
Albert Xhanin, por
me persona afër tij.
Por ditët e ardhshme mund të jenë
decizive, sepse mund të takohet me të.
“Tani jam në pritje të një oferte
konkrete, pasi në ditët në vazhdim besoj
se mund të kem kontakte më nga afër,
për të arritur një akord”, - tha
elbasanasi, duke lënë gjithçka të mundur.

Trajneri
Edhe Zhupa i thotë “po”
virtualisht Albert Xhanit
Personi që përflitet se do udhëheqë Partizanin gjatë sezonit
të ardhshëm është pikërisht Eduart Zhupa, i cili ka
shprehur gatishmërinë e tij për të qenë trajner i ekipit të
kuq, ku ka qenë lojtar dhe zëvendëstrajner.
Në prononcimin
e tij për “Panorama Sport”, Zhupa
tha: “Kam biseduar para
dy ditësh me presidentin Albert
Xhani, i cili më ka paraqitur
ofertën e tij. Parimisht jam
dakord për ta pranuar, pasi ky
është një projekt shumë ambicioz.
Besoj se sezonin e
ardhshëm Partizani, gjithnjë
nëse ky projekt do të realizohet,
do të rivendosë emrin e
tij në vend. Grupi i lojtarëve
është mjaft i mirë, si ekzistuesit
edhe ata që pritet të
afrohen”. Më tej Zhupa shprehet optimist për zgjidhjen e
situatës tek “demat e kuq” dhe beson se Xhani këtë herë
gjithçka do ta realizojë në mënyrën më të mirë.

10
DITË
ka që është pa trajner
Partizani, pas largimit
të Shpëtim Duros.
Zyrtarizimi i lëvizjes së
tij për tek ekipi kavajas
i Besës u konkretizua
ditën e mërkurë, më
24 qershor.

3 LARGIME
janë zyrtarizuar deri më tani te Partizani.
Firoja e parë erdhi nga korçari Ngjela, që
shkoi drejt Flamurtarit. Më pas trajneri
Duro kaloi tek Besa, bashkë me portierin
Shehi, që është ende në mëdyshje.

2 HERË
i ka shkelur afatet e premtimeve të tij
presidenti Albert Xhani. Herën e parë ai
kërkoi një afat prej 15 ditësh, ndërsa
premtimi i dytë është ai i para një jave, që
u pasua me një tjetër.

1 SEZON
futbollistik kanë që luajnë pa
parà lojtarët e Partizanit. Këta
heronj kanë qëndruar në shërbim
të ekipit, duke sakrifikuar
gjithçka vetëm për të.

6
LOJTARË
pritet të afrohen për
sezonin e ardhshëm tek
Partizani. Bëhet fjalë për
Bejzaden, Ishkën, Beqirin,
Dalipin, Shetën, gjithashtu
edhe Ahmatajn, të cilët
janë në pritje për konkretizimin
e kalimit të tyre.

FutbollistetSa i përket lojtarëve të
kuq, ata nuk janë në dijeni
të ndonjë zhvillimi. Por
thjesht kanë shprehur
dëshirën që gjithçka të
jetë e vërtetë. Sepse
nëse do ketë lëvizje të
tilla, kjo do të thotë që
edhe gjendja financiare
është duke u rregulluar.
Gjithsesi, për momentin
ata, janë thjesht në pritje.

EnigmaNuk përjashtohet mundësia
që edhe këtë herë, të
gjitha lëvizjet në kampin e
kuq të jenë një blof i
presidentit Albert Xhani,
pra që të mos realizohen.
Kjo, sepse nuk është e
para herë që njëshi i klubit
tenton dhe konfirmon
ringritjen e Partizanit në
nivelet e një super-ekipi.

(panorama sport)
_________________
ckan minjte qe po dridhen demat e kuq ne sulm po hidhen

Redbull · Posted: Sat Jul 04, 2009 11:02 am Post subject:

qe jemi lodh nuk diskutohet.... edhe une gjitha keto qe po lexoj gjithmone po i marr me shume dyshim.....
_________________
Te gjithe vijne e ikin.... mbetet gjithmone vetem PARTIZANI

ALBI DEMI I KUQ · Tifoz i cmendur Joined: 22 Nov 2008 Posts: 265

Xhani: Partizanin do ta shihni kur t’i vijë dita

Sipas gjasave, presidenti Xhani do të kthejë “gardën e vjetër” në skuadrën e sezonit të ri

Është thënë shpesh se askush nuk e di të ardhmen e Partizanit, por këtu bën përjashtim vetëm presidenti Albert Xhani, i cili i mbetet idesë se po punon për ndërtimin e skuadrës së re. Ka plot ide, projekt-ide, plane, falle, parashikime për fytyrën e Partizanit të sezonit 2009-2010. Sinoptika e ditëve të fundit sikur po e qartëson fatin e të kuqve se në cilën veprimtari do të luajnë në sezonin e ri, ku gjasat më të mëdha janë që për herë të dytë në historinë e tij Partizani do të jetë pjesë e kategorisë së parë. Për këtë fakt pyetëm dje presidentin Albert Xhani, i cili për “Sportin shqiptar” u shpreh: “Dëshira jonë është e madhe që të luajmë në superligë, por kjo do të varet nga vendimi që do të marrë federata për ndryshimin e strukturës.

Nuk kam asnjë koment rreth lajmit që ka të bëjë me klubet që nuk i janë përgjigjur kërkesës së federatës për të dhënë detaje rreth strukturës, prandaj më saktësisht është FSHF-ja ajo që jep përgjigje për këtë fakt.” Momentalisht qarkullojnë zëra se Partizani i sezonit të ri do të mbështetet te një “gardë e vjetër”, ku në përbërje bëjnë pjesë edhe disa ish-lojtarë të kuq, si Bejzade, Beqiri, Sheta etj., të cilët do të drejtohen nga trajneri Eduard Zhupa. I pyetur për këtë gjë, presidenti Xhani shprehet se nuk ka dijeni për këtë projekt, por gjithsesi nuk e mohon faktin se ndonjëri nga lojtarët apo trajneri edhe mund të jenë pjesë e Partizanit të sezonit të ri.

“Nuk di çfarë të them rreth këtyre emrave, pasi asgjë nuk është vendosur për skuadrën e sezonit të ri. Di të them se po punoj për ndërtimin e skuadrës, kështu që Partizanin do ta shihni kur t’i vijë dita,”- u shpreh presidenti i kuq, Albert Xhani. Dje kontaktuam me njërin nga lojtarët e përfolur, nëse mund të kthehet te Partizani, dhe pikërisht Skerdi Bejzaden, i cili e pranon një projekt të tillë, por me kusht që të paguhet.

“Them se ekziston një plan i tillë, që te Partizani i sezonit të ri të kthehen disa ish-lojtarë, ku bëj pjesë edhe unë, por edhe të tjerë me eksperiencë. Madje unë, përveç rolit të lojtarit, mund t’i japë një dorë edhe stafit teknik. Gjithsesi, asgjë nuk është e trajtës përfundimtare, pasi përpara se të realizohet ky projekt, duhet të ketë garanci financiare. Nuk ka rëndësi se ku luajmë në superligë, apo në kategorinë e parë, pasi fanella e Partizanit kudo ka peshën e saj, por e rëndësishme është garancia financiare,”- u shpreh dje për “Sportin shqiptar” ish-sulmuesi i kuq, Skerdi Bejzade.

Alternativat për t’u bërë “dema të kuq”

Pavarësisht se Partizani nuk ka mbylluar akoma hesapet e sezonit të fundit, pasi lojtarët janë në pritje të shlyerjes së detyrimeve të papaguara, në qarkullim po dalin emrat e kadidatëve për të veshur fanellën e kuqe në sezonin e ri. Mendohet se në listë janë emra të dëgjuar dhe me përvojë në futbollin shqiptar, si Skerdi Bejzade, Ardit Beqiri, Arjan Sheta, Klevis Dalipi, Sokol Ishka, Julian Ahmataj, shto këtu edhe mundësinë e drejtimit nga trajneri Eduart Zhupa. Gjithsesi, mbetet për t’u vërtetuar ky plan, pasi presidenti Xhani as nuk e pohoi, por as nuk e mohoi.

[/b]
_________________
ckan minjte qe po dridhen demat e kuq ne sulm po hidhen

ALBI DEMI I KUQ · Tifoz i cmendur Joined: 22 Nov 2008 Posts: 265

Partizani fut në mëdyshje Begën, Mund të lërë futbollin
Lojtari ndodhet në USA, vështirë se do të kthehet sërish për të luajtur

Duket se largësia me familjarët, do e detyrojë që të mos kthehet më në Shqipëri. Ndoshta, akoma më keq. Mund të heqë dorë nga futbolli profesionist. Sulmuesi i Partizanit, Besmir Bega, po mendon që të mos vijë më në vendlindje dhe të vazhdojë të jetojë në Amerikë me familjen e tij. Atje duket se do ti përkushtohet shkollës, por mund të aktivizohet në ndonjë ekip kolegji. Këtë e ka provuar edhe më parë duke u aktivizuar me një ekip të tillë për disa sezone në SHBA. Bega kaloi nga Tirana te Partizani në muajin Janar duke zhvilluar te të kuqtë ndeshje të mira. Madje, realizoi edhe disa gola deçizivë. Në fund të kampionatit të kaluar, sulmuesi u largua menjëherë për në Amerikë ku ka edhe familjen e tij. Largësia e madhe mund të detyrojë që të mos rikthehet më në Shqipëri. Ndërkaq, 25-vjeçari ka qenë përpara disa vitesh për një kohë të shkurtër pjesë e përfaqësueses së Shpresave. Edhe në atë kohë, largësia e madhe ndikoi që ai ta kishte të vështirë që të vinte gjithmonë kur e thërriste trajneri i “kuqezinjve të vegjël”.

(sport ekspres)
_________________
ckan minjte qe po dridhen demat e kuq ne sulm po hidhen

ALBI DEMI I KUQ · Tifoz i cmendur Joined: 22 Nov 2008 Posts: 265

“Në Superiore ose largohem nga Partizani”
Mesfushori Gjondeda është i pari që nuk vë vetëm kushtin financiar për të qëndruar: “Nga drejtuesit s’më ka kontaktuar njeri, por unë kam oferta edhe nga jashtë vendit”

Shumë mendime dhe për të ardhmen janë duke i përshkruar mendjen gjatë kësaj periudhe. Genti Gjondedaj është në dilemë përsa i përket të ardhmes së tij. Nga Partizani nuk e ka kontaktuar asnjë, në një kohë që oferta për të ka si nga brenda, ashtu edhe nga jashtë vendit. Gjithçka në kuadrin e bisedave paraprake. Deri tani, nuk ka asgjë zyrtare. Por, një gjë është e sigurtë. “Xhuxhi”, pseudonimi me të cilin e njohin të gjithë në komunitetin e futbollit, do të largohet nga Partizani nëse skuadra nuk rikthehet në Superligë. Duket se mesfushori është më shumë larg të kuqve se sa pjesë e tyre.

E ardhmja – Flet qartë dhe tregon për dilemën në të cilën ndodhet për momentin. “Nuk kam pasur asnjë kontakt me drejtuesit e Partizanit gjatë kësaj periudhe. Di të them se nëse skuadra nuk rikthehet në Superligë, atëherë unë do të largohem nga të kuqtë. Plus kësaj, situata vazhdon të mbetet e njëjtë dhe nuk ka asnjë zhvillim të ri, përkundër atyre që përfliten. Mund të them se kam oferta nga ekipe brenda dhe jashtë Shqipërisë. Por, gjithçka ka qenë në kuadrin e bisedimeve paraprake dhe asgjë më shumë. Kur të vendos përfundimisht do të bëj të ditur edhe emrin e skuadrës e detaje të tjera. Për momentin jam në dilemë pasi ende nuk di se çfarë do të bëj. Jam duke shqyrtuar gjithçka dhe nuk dua që të nxitohem”, shprehet në prononcimin e tij shtatshkurtri i të kuqve.

Forma – Gjatë kësaj periudhe ka bërë vetëm disa ditë pushim. Pjesën tjetër të kohës e kalon duke zhvilluar stërvitje individuale. Vrapime nga Kodrat e Liqenit dhe shumë palestër. “Jam duke zhvilluar stërvitje individuale për të mbajtur trupin në formë. Përveç këtyre, luajmë edhe ndeshje mini-futbolli me çunat e tjerë. Duke qenë se nuk na ka lajmëruar asnjë dhe nuk e di se çfarë do të bëj, po mundohem që të ruaj peshën dhe të jem në formë”, shprehet “xhuxhi”.

Sezoni – U afrua te Partizani gjatë merkatos së dimrit në Janar pasi la Teutën. Gjatë të gjithë pjesës së dytë të kampionatit luajti në formacion duke qenë shumë i rëndësishëm për skuadrën në mesin e fushës. Sakrifikoi së bashku me lojtarët e tjerë duke luajtur për rreth gjashtë muaj pa para. “Këtë sezon nuk kam për ta harruar asnjëherë. Emocionet që kam ndjerë pas ndeshjeve që fitonim ku tifozët na rrethonin dhe na përgëzonin, mund të them se janë të papërshkrueshme. Më është ngjethur mishi shumë herë. Por, të vjen keq se si na penalizuan në shumë raste arbitrat duke na zbritur një kategori më poshtë. Kulmi arriti në ndeshjen e fundit të Play-out-it kundër Kastriotit ku na anulluan një gol të rregullt. Megjithëse sakrifikuam gjithçka, nuk arritëm ta mbajmë ekipin në Superligë. Dhe kjo, mendoj jo për fajin tonë”, përfundon prononcimin e tij, mesfushori i Partizanit, Genti Gjondedaj.
_________________
ckan minjte qe po dridhen demat e kuq ne sulm po hidhen

toncubi · Posted: Sat Jul 04, 2009 5:52 pm Post subject:

Forever Red · Shef Joined: 18 Sep 2006 Posts: 5310 Location: Italia

Ndjehem i kuq, rikthej Partizanin në Superiore”
9 Korrik Eduart Zhupa pas emërimit në krye të pankinës: “Skuadra e formuar, kam gati planin…”

Trajneri i konfirmuar i Partizanit, Eduart Zhupa, rrëfen arsyet që pranoi të drejtojë të kuqtë sezonin e ardhshëm. “Unë e konsideroj veten pjesë të familjes së kuqe dhe vendosa që të kontribuoj për këtë ekip”, flet tekniku i “demave”. Për të, gjendja financiare nuk është gjëja kryesore, por fakti që skuadra është konturuar tashmë dhe është gati për të nisur përgatitjet për sezonin e ardhshëm. Zhupa flet për planin që ka hartuar për fazën përgatitore, në një kohë që konfirmon ardhjet e disa lojtarëve. Objektivat? “Nëse do të jemi në Kategorinë e Parë, sigurisht që do të jetë ngjitja. Nëse do të jemi në Superligë, do të tregojmë vlerat tona të vërteta”.

-Jeni konfirmuar trajner i Partizanit për sezonin e ardhshëm. Si e arritët akordin me presidentin Albert Xhani?

-Unë me presidentin Xhani kemi njohje të vjetra, pasi edhe më parë kam qenë pjesë e klubit të kuq, edhe si lojtar edhe si pjesë e stafit. Duke qenë pjesë e familjes së kuqe vendosa që të jap kontributin tim për ta ndihmuar këtë skuadër. Besoj se gjithçka po ecën në rrugën e duhur dhe pasi është konfirmuar stafi teknik dhe përbërja e skuadrës, jemi gati për të nisur përgatitjet për sezonin e ardhshëm.

-Riktheheni te Partizani në një moment të vështirë përsa i përket gjendjes financiare, në një kohë që jeni larguar për të njëjtat arsye. Si arritët që të pranoni?

-Në radhë të parë dua të them që nuk jam larguar në atë kohë për çështje financiare. Më pas, mendoj se kjo nuk është gjëja kryesore. Presidenti Xhani kam besim se do arrijë që ti rregullojë këto probleme për çështje ditësh. Unë praova që të rikthehem te klubi i kuq pasi e ndjej veten pjesë të kësaj familje të madhe. Së bashku edhe me Bejzaden dhe lojtarët e tjerë që do të vijnë apo ata që janë pjesë e skuadrës, vendosëm që të kontribuojmë për këtë ekip legjendë të futbollit shqiptar. E rëndësishme është që është ndërtuar tashmë skuadra dhe është hartuar plani për përgatitjen që ekipi të jetë gati për sezonin e ardhshëm.

-A janë konfirmuar Ahmataj, Erion Xhafaj, Beqiri apo Ishka?

-Me ta ka kontaktuar presidenti Xhani dhe janë të konfirmuar që sezonin e ardhshëm do të jenë pjesë e Partizanit. Por, sigurisht që nuk do të jenë të vetmit pasi lëvizja e lojtarëve është e hapur deri në fund të gushtit dhe mund të ketë lëvizje të tjera.

-Po përsa i përket futbollistëve që janë aktualisht pjesë e skuadrës?

-Përveç Orges Shehit dhe Marjus Ngjelës, të tjerët vazhdojnë të jenë pjesë e Partizanit. Me ta kanë folur drejtuesit e skuadrës dhe janë përgjigjur se do të fillojnë stërvitjen me ekipin. Deri tani, gjërat janë konturuar dhe skuadra është gati për të nisur përgatitjet. Besoj se me kalimin e ditëve do të zgjidhen edhe problemet e tjera dhe gjithçka do të shkojë mirë.

-Ku do të konsistojë përgatitja e skuadrës gjatë këtyre muajve deri në rifillimin e kampionatit?

-Plani është hartuar dhe është gati. Ka mbetur vetëm zbatimi i tij që do të nisë më 10 Korrik. Përgatitjet janë të ndara në dy etapa. E para konsiston në atë që në gjuhën profesionale ne e quajmë oksigjen. Më pas do të vazhdojë me stërvitje intensive me nga dy seanca në ditë. Gjithashtu, jemi në pritje të vendimit që do të marë Komiteti Ekzekutiv përsa i përket strukturës së kampionatit të ardhshëm. Nëse do të qëndrojmë në Superligë, përgatitjet vazhdojnë deri në mes të gushtit. Nëse do të luajmë në Kategorinë e Parë, përgatitjet vazhdojnë deri në fund të gushtit. Çdo gjë është gati për të nisur me stërvitjen më 10 Korrik. Baza materiale dhe mjetet didaktike janë siguruar. Gjithashtu, lojtarët do u nënshtrohen të gjithë analizave mjekësore menjëherë sapo të fillojmë fazën e parë të përgatitjeve.

-Po fazën përgatitore ku do ta zhvilloni?

-Fazën e parë të përgatitjeve do ta zhvillojmë në Tiranë. Më pas, është ideja që pjesën e dytë ta zhvillojmë jashtë vendit. Janë dy vende dhe po shihen kushtet dhe terrenet stërvitore. Presidenti Xhani kam bindjen se do ti zgjidhë problemet me kalimin e ditëve dhe do të vendoset më pas edhe për fazën përgatitore jashtë Shqipërisë.

-Cilat janë objektivat e kësaj skuadre për sezonin e ardhshëm?

-Nëse do të luajmë në Kategorinë e Parë, sigurisht që objektivi do të jetë që ta ngjisim skuadrën në Superligë, aty ku e ka vendin. Nëse do të jemi në Superligë, duke parë edhe përbërjen e skuadrës, do të arrijmë që të tregojmë vlerat tona të vërteta. Gjithsesi, ekipi është formuar tashmë dhe jemi plotësisht gati kudo ku do të luajmë.
_________________
PARTIZANI IS MY RELIGION...